ငြိမ်းချမ်းရေးစကားဝိုင်းဆွေးနွေးပွဲတွေကို အခါအားလျော်စွာ ထပ်မံကျင်းပနိုင်ရေး ကြိုးပမ်းဆောင်ရွက်သွားမှာ ဖြစ်တယ်လို့ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော် ဆောင်မှုညှိနှိုင်းရေးကော်မတီ(NSPNC)ဥက္ကဋ္ဌ၊ နယ်စပ်ရေးရာဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရာပြည့်က ပြောပါတယ်။မတ်လ၂၆ရက်က နေပြည်တော်ရှိ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန (NSPC)မှာကျင်းပတဲ့ ငြိမ်းချမ်းရေးစကားဝိုင်းဆွေးနွေးပွဲ ၂၀၂၅(Peace Talk 2025)ပိတ်ပွဲအခမ်းအနားမှာ အခုလိုပြောကြားခဲ့တာပါ။
နောင်ကျင်းပမယ့် ငြိမ်းချမ်းရေးစကားဝိုင်းဆွေးနွေးပွဲတွေမှာ ကဏ္ဍပေါင်းစုံ၊ အလွှာပေါင်းစုံ အခုထက်ပိုပြီး ပါဝင်လာအောင် လုပ်ဆောင်သွားမယ်လို့လည်း ဆိုပါတယ်။အခုကျင်းပခဲ့တဲ့ ငြိမ်းချမ်းရေးစကားဝိုင်းက ရရှိလာတဲ့ သုံးသပ်ဖော်ထုတ်ချက်တွနဲ့ အကြံပြုချက်တွေကို နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်ကို တင်ပြသွားမှာဖြစ်ပြီး လက်တွေ့ပြန် လည်အသုံးချနိုင်ဖို့ ကြိုးပမ်းဆောင်ရွက်သွားမှာဖြစ်တယ်လို့ ဒုတိယဗိုလ်ချုပ်ကြီးရာပြည့်က ပြောပါတယ်။ငြိမ်းချမ်းရေးစကားဝိုင်းဆွေးနွေးပွဲ ၂၀၂၅(Peace Talk 2025)ကို နေပြည်တော်ရှိ အမျိုးသားစည်းလုံးညီညွတ် ရေးနှင့် ငြိမ်းချမ်းရေးဖော်ဆောင်မှုဗဟိုဌာန(NSPC)မှာ မတ်လ၂၄ရက်ကနေ ၂၆ရက်အထိ ၃ရက်ကြာ ကျင်းပခဲ့ တာဖြစ်ပါတယ်။
ဒီဆွေးနွေးပွဲမှာ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိင်းရေးကော်မတီ(NSPNC)က ကော်မတီဝင်တွေ၊ တပ်မတော်ကအငြိမ်းစားအရာရှိကြီးတွေ၊ JMCကိုယ်စားလှယ်တွေ၊ NCAလက်မှတ်ရေးထိုးထား တဲ့ တိုင်းရင်းသားလက်နက်ကိုင်အဖွဲ့တွေကကိုယ်စားလှယ်တွေ၊ နိုင်ငံရေးပါတီတွေက ကိုယ်စားလှယ်တွေ၊ ငြိမ်းချမ်းရေးလုပ်ငန်းစဉ်မှာပါဝင်ဆောင်ရွက်နေသူတွေ၊ ပါဝင်သင့်ပါဝင်ထိုက်သူတွေ၊ ဝန်ကြီးဌာန၊ အဖွဲအစည်း တွေကတာဝန်ရှိသူတွေ၊ အသင်းအဖွဲ့တွေ၊ လေ့လာသူတွေပါဝင်တက်ရောက်ပြီး အဖွဲ့၂ ဖွဲ့ခွဲကာ ဆွေးနွေးခဲ့ကြတာ ဖြစ်ပါတယ်။
