နေပြည်တော်၊ ဥတ္တရသီရိမြို့နယ်မှာ စက်တင်ဘာလ ၈ ရက် ည ၁၁ နာရီကျော်က နေအိမ်ခြံဝင်းကားဂိုဒေါင်အတွင်း ရပ်ထားတဲ့ကိုယ်ပိုင်ကားတစ်စီးမီးလောင်မှုဖြစ်ပွားခဲ့တယ်လို့ နေပြည်တော်မီးသတ်တပ်ဖွဲ့ကနေသိရပါတယ်၊၊
နေပြည်တော်၊ ဥတ္တရသီရိမြို့နယ်၊ ဇဝနသိဒ္ဓိရပ်ကွက်၊ ပဲခူးလမ်းရှိ နေအိမ်ဂိုဒေါင်အတွင်းမှာရပ်ထားတဲ့ BMW အမျိုးအစား ကိုယ်ပိုင်ကားတစ်စီး ဝါယာရှော့ဖြစ်ပြီး မီးလောင်မှုဖြစ်ပွားခဲ့တာလို့ဆိုပါတယ်၊၊
မီးလောင်မှု ဖြစ်ပွားရာနေရာကို မီးသတ်တပ်ဖွဲ့က လာရောက်ငြှိမ်းသတ်ခဲ့ရာ မိနစ် ၂၀ ကျော်အကြာမှာ မီးငြိမ်းခဲ့တယ်လို့ ဆိုပါတယ်။ ကားမီးလောင်မှုဖြစ်စဉ်ကြောင့် စုစုပေါင်းကျပ်သိန်း ၈၀၀ ကျော်ဖိုး မီးသင့်ဆုံးရှုံးခဲ့ပြီး လူထိခိုက်ဒဏ်ရာရရှိတာ မရှိခဲ့ဘူးလို့သိရပါတယ်၊၊
