တည်ထောင်ခွင့်ပြုထားတဲ့ ငြိမ်းချမ်းရေးနှင့်ဖွံ့ဖြိုးရေးပါတီက ဇူလိုင် ၂၈ ရက်မှာ နိုင်ငံရေးပါတီအဖြစ် မှတ်ပုံတင် ခွင့်ပြုဖို့ လျှောက်ထားခဲ့တယ်လို့ ပြည်ထောင်စုရွေးကောက်ပွဲ ကော်မရှင်က ထုတ်ပြန်ပါတယ်။လက်ရှိအချိန်အထိ ပါတီတည်ထောင်ခွင့် လျှောက်ထားလာတဲ့ အဖွဲ့(၂၇)ဖွဲ့ရှိပြီး အဲဒီထဲက နိုင်ငံရေးပါတီ (၂၂) ပါတီကို တည်ထောင်ခွင့်ပြုပြီး ဖြစ်ပါတယ်။
တည်ထောင်ခွင့်ပြုထားတဲ့ ပါတီအနေနဲ့ ခွင့်ပြုချက်ရတဲ့ နေ့ကစပြီး ရက်ပေါင်း ၃၀ အတွင်း နိုင်ငံရေးပါတီများ မှတ်ပုံတင်ခြင်းနည်းဥပဒေ ၇ နဲ့အညီ ရွေးကောက်ပွဲ ကော်မရှင်ကို နိုင်ငံရေးပါတီအဖြစ် မှတ်ပုံတင်ပေးဖို့ လျှောက် ထားရမှာ ဖြစ်တယ်လို့ ထုတ်ပြန်ထားပါတယ်။လက်ရှိမှာတော့ မှတ်ပုံတင်ခွင့်ပြုပေးဖို့ လျှောက်ထားတဲ့ နိုင်ငံရေးပါတီ (၂၁)ပါတီအနက် (၁၅) ပါတီကို မှတ်ပုံတင်ခွင့်ပြုခဲ့ပြီး ကျန်ပါတီတွေကို မှတ်ပုံတင်ခွင့်ပြုနိုင်ရေး ဆက်လက်ဆောင်ရွက်နေတယ်လို့လည်း ရွေးကောက်ပွဲကော်မရှင်က ထုတ်ပြန်ထားပါတယ်။
