၂၀၂၄ ခုနှစ်အတွက် ပေးအပ်ချီးမြှင့်တဲ့ မြန်မာ့ရုပ်ရှင်ထူးချွန်ချီးမြှင့်ပွဲအခမ်းအနားမှာ အကောင်းဆုံးမြန်မာ့ရုပ်ရှင် တစ်သက်တာဆု (၄)ဆု၊ အကယ်ဒမီ ထူးချွန်ဆုတွေနဲ့ အကောင်းဆုံးဝတ်စားဆင်ယင်မှုဆု (၄)ဆုအပါအဝင် ဆုပေါင်း(၂၀)ကို ပေးအပ်ချီးမြှင့်ခဲ့ပါတယ်။ ၂၀၂၄ ခုနှစ်အတွက် မြန်မာ့ရုပ်ရှင်တစ်သက်တာဆုတွေကို မင်းသား ကြီး ဦးကြည်စိုး၊ မင်းသမီးကြီး ဒေါ်ဝါဝါဝင်းရွှေ၊ ဒါရိုက်တာ မောင်နှင်းမိုးနဲ့ ထပ်ဆင့်အကယ်ဒမီ ဒေါ်ခင်သန်းနု တို့က အသီးသီး ရရှိခဲ့ကြပါတယ်။
၂၀၂၄ ခုနှစ်အတွက် အကောင်းဆုံးဓာတ်ပုံဆုကို ချစ်သူသာ ပန်းတစ်ပွင့်ဖြစ်ခဲ့ လျှင် ရုပ်ရှင်ဇာတ်ကားနဲ့ ကောင်းဇံ၊ အကောင်းဆုံးတေးဂီတဆုကို အိပ်မက်ကာရန် ရုပ်ရှင်ဇာတ်ကားနဲ့ ဓိရာမိုရ်၊ အကောင်းဆုံးအသံဆုကို မီး ရုပ်ရှင်ဇာတ်ကားနဲ့ အောင်မျိုးမြတ်နဲ့ ရဲဝင်းတို့က အသီးသီးရရှိခဲ့ကြပါတယ်။
ဒါ့အပြင် ၂၀၂၄ ခုနှစ်အတွက်အကောင်းဆုံးတည်းဖြတ်ဆုကို နှောင် ရုပ်ရှင်ဇာတ်ကားနဲ့ အာကာကျော်၊ အကောင်း ဆုံးဇာတ်ညွှန်းဆုကို တိမ်ပန်းချီ ရုပ်ရှင်ဇာတ်ကားနဲ့ အေးသီရိကိုနဲ့ အကောင်းဆုံးဇာတ်ကားဆုကိုတော့ ချစ်သူသာ ပန်းတစ်ပွင့်ဖြစ်ခဲ့လျှင် ရုပ်ရှင်ဇာတ်ကားတို့ကအသီးသီးရရှိခဲ့ကြပါတယ်။ အခုနှစ်မှာတော့ ထူးခြားမှုအနေနဲ့ ၂၀၂၄ ခုနှစ်အတွက် ရုပ်ရှင်အထူးဆုကို နှောင် ရုပ်ရှင်ဇာတ်ကားနဲ့ မိတ်ကပ်ပညာရှင် လုံလုံ(လင်္ကာဒီပ)ကို ပေးအပ်ချီးမြှင့် ခဲ့ပါတယ်။
အဲဒီနောက် ၂၀၂၄ ခုနှစ်အတွက် မြန်မာ့ရုပ်ရှင်ထူးချွန်ဆုချီးမြှင့်ပွဲအခမ်းအနားကို တက်ရောက်လာကြတဲ့ အနုပညာ ရှင်တွေထဲက အကောင်းဆုံးဝတ်စားဆင်ယင်မှုဆုတွေကို ပေးအပ်ချီးမြှင့်ရာမှာတော့ အကောင်းဆုံးအမျိုးသား ဝတ်စားဆင်ယင်မှုအကြီးတန်းဆုကို ရန်အောင်၊ အကောင်းဆုံးအမျိုးသမီး ဝတ်စား ဆင်ယင်မှု အကြီးတန်းဆုကို စိုးမိုးကြည်၊ အကောင်းဆုံးအမျိုးသားဝတ်စားဆင်ယင်မှုဆုကို ထက်အောင်ရှိုင်းနဲ့ အကောင်းဆုံး အမျိုးသမီး ဝတ်စားဆင်ယင်မှုဆုကို နန်းဆုရတီစိုးတို့က အသီးသီးရရှိခဲ့ကြပြန်ပါတယ်။
မြန်မာ့ရုပ်ရှင်ထူးချွန်ဆုတွေထဲက အဓိကဆုတစ်ဆုဖြစ်တဲ့ ၂၀၂၄ ခုနှစ်အတွက် အကောင်းဆုံးဒါရိုက် တာဆုကို အိပ်မက်ကာရန် ရုပ်ရှင်ဇာတ်ကားနဲ့ ဝင်းလွင်ထက်က ရရှိခဲ့ပြီး ထူးချွန်ဆုတွေမှာတော့ အကောင်းဆုံး အမျိုးသမီး ဇာတ်ပို့ဆုကို ဘိုးတော်ကင်း ရုပ်ရှင်ဇာတ်ကားနဲ့ ခြူးလေး၊ အကောင်းဆုံးအမျိုးသား ဇာတ်ပို့ဆုကို မီး ရုပ်ရှင် ဇာတ်ကားနဲ့ အေးချမ်းမောင်တို့က ရရှိခဲ့ပါတယ်။
၂၀၂၄ ခုနှစ်အတွက် အကောင်းဆုံးအမျိုးသမီးဇာတ်ဆောင်ဆုကို တိမ်ပန်းချီရုပ်ရှင်ဇာတ်ကားနဲ့ ဝတ်မှုံရွှေရည်၊ အကောင်းဆုံးအမျိုးသားဇာတ်ဆောင်ဆုကို နှောင် ရုပ်ရှင်ဇာတ်ကားနဲ့ နေတိုး တို့က ရရှိခဲ့ကြပါတယ်။
၂၀၂၄ ခုနှစ်အတွက် အကောင်းဆုံးမြန်မာ့ရုပ်ရှင်ထူးချွန်ဆုတွေကို ပေးအပ်ချီးမြှင့်ရာမှာ ထူးခြားမှုအနေနဲ့ နှောင် ရုပ်ရှင်ဇာတ်ကားက အကယ်ဒမီထူးချွန်ဆု(၃)ဆုရရှိခဲ့သလို ချစ်သူသာ ပန်းတစ်ပွင့်ဖြစ်ခဲ့လျှင်၊ အိပ်မက်ကာရန်၊ မီး၊ နဲ့ တိမ်ပန်းချီ အစရှိတဲ့ရုပ်ရှင်ဇာတ်ကားတွေကတော့ ဇာတ်ကားတစ်ကားကို ထူးချွန်ဆု(၂)ဆုစီ အသီးသီးရရှိခဲ့ကြ တာကို တွေ့ရှိရပါတယ်။
