ရုရှား-ယူကရိန်းအကြား အပစ်ရပ်စဲရေးသဘောတူညီချက်ရခဲ့ရင် ယူကရိန်းလုံခြုံရေး အာမခံချက်အတွက် တပ်ဖွဲ့ ဝင်တွေ ချက်ခြင်းစေလွှတ်နိုင်ဖို့ ဗြိတိန်ပူးတွဲစစ်ဆင်ရေးဌာနချုပ်မှာ ဆွေးနွေးပွဲ ကျင်းပနေတယ်လို့ မတ်လ ၂၀ ရက် AFP သတင်းမှာ ဖော်ပြထားပါတယ်။
စစ်ရေးပဋိပက္ခဖြေရှင်းပြီး ငြိမ်းချမ်းရေးသဘောတူညီချက် ရရှိစေရေး အတွက်ရည်ရွယ်ကာ ယူကရိန်းအတွက် စစ်မြေပြင်၊ ရေကြောင်းနဲ့ လေကြောင်း စစ်ဆင်ရေး အစီအစဉ်တွေ ရေးဆွဲနေတယ်လို့ ဗြိတိန်ဝန်ကြီးချုပ် ကီယာစတာမာက စစ်ရေးစီစဉ်သူတွေကို ပြောကြားခဲ့ပါတယ်။အဲဒီဆွေးနွေးပွဲကို တက်ရောက်နေတဲ့ နိုင်ငံပေါင်း ၂၀ ကျော်က အဆင့်မြင့်စစ်အရာရှိတွေနဲ့ ကိုယ်စားလှယ်တွေ ကို ဝန်ကြီးချုပ်က သွားရောက်တွေ့ဆုံကာ ဂုဏ်ပြုစကားပြောခဲ့တယ်လို့ ဗြိတိန်ဝန်ကြီးချုပ်ရုံးက သတင်း ထုတ်ပြန်ခဲ့ပါတယ်။
အဲဒီလို တွေ့ဆုံရာမှာ ယူကရိန်းနိုင်ငံ ကောင်းကင်၊ ပင်လယ်နဲ့ မြေပြင်နယ်နိမိတ်လုံခြုံရေး အာမခံချက်အတွက် တပ်တွေ ကူညီပံ့ပိုးပေးဖို့ဖြစ်ပြီး အဓိကအချက်ကတော့ ဗလာဒီမာပူတင်အနေနဲ့ သဘောတူ ညီချက်တွေကို ချိုးဖောက်ခဲ့ရင် ပြင်းထန်တဲ့ အကျိူးဆက်တွေနဲ့ ရင်ဆိုင်ရမယ်ဆိုတာ ရှင်းရှင်းလင်းလင်း ပြသဖို့ဖြစ်တယ်လို့ ကီယာ စတာမာက ပြောသွားခဲ့ပါတယ်။
