နွားရိုင်းသတ်ပွဲမှာ နွားနဲ့လူတိုအတွက် ထိခိုက်မှုနည်းတဲ့ တိုက်ခိုက်မှုမျိုး ပြုလုပ်ဖို မက္ကဆီကို ဒေသန္တရလွှတ်တော် မှာ မတ်လ ၁၉ ရက်က အတည်ပြုလိုက်တယ်လို Reuters သတင်းမှာ ဖော်ပြထားပါတယ်။ လွှတ်တော်ရဲ့ ဆုံးဖြတ် ချက်ကို တိရစ္ဆာန်အခွင့်အရေး လိုလားသူတွေက ထောက်ခံခဲ့ကြပေမယ့် ရိုးရာနွားရိုင်းသတ်ပွဲ ကြိုက်သူတွေ ကတော့ ပြင်းပြင်ထန်ထန် ဝေဖန်ခဲ့ကြပါတယ်။
အတည်ပြုလိုက်တဲ့ အချက်တွေထဲမှာ နွားရိုင်းသတ်သမားတွေက ဓားတွေ၊ လှံတွေ သုံးပြီး တိရစ္ဆာန်တွေကို တိုက်ခိုက်ခွင့် မပြုတာနဲ့ နွားတွေရဲ့ ချိုတွေကိုလည်း အန္တရာယ် မပေးနိုင် အောင် အကာအကွယ်တွေ တပ်ဆင်ထားမှာဖြစ်ပါတယ်။မဲပေးမှုမှာ ၆၁ ယောက်က ထောက်ခံခဲ့ကြပြီး တစ်ယောက်သာ ကန့်ကွက်ခဲ့တာကို တွေ့ရပါတယ်။ ဒေသန္တရ လွှတ်တော် အပြင်ဘက်မှာတော့ နွားရိုင်းသတ်ပွဲ ပရိသတ်တွေက မကျေမနပ်ဖြစ်ကာ အဆောက်အအုံအတွင်း ဝင်ရောက်ဖို ကြိုးစားတာတွေ ရှိခဲ့ပါတယ်။
တိရစ္ဆာန်အခွင့်အရေး ကာကွယ်သူတွေကတော့ နွားရိုင်းတွေကို လေးစားမှုထားဖို ဆိုင်းဘုတ်တွေ ကိုင်ဆောင်ခဲ့ ကြပါတယ်။ လွှတ်တော်အတည်ပြုချက်ဟာ ရက်ပေါင်း ၂၁၀ အတွင်း အကျုံးဝင်မှာဖြစ်သလို အစိုးရကလည်း နွားရိုင်းသတ်ပွဲနဲ့ ပတ်သက်တဲ့ စည်းမျဉ်းအသစ်တွေ ထုတ်ပြန် ပေးရမှာ ဖြစ်ပါတယ်။ မက္ကဆီကိုနိုင်ငံဟာ ၁၅၂၉ ခုနှစ်ကတည်းက နွားရိုင်းသတ်ပွဲတွေ ပြုလုပ်ခဲ့တာဖြစ်ပြီး စပိန်နွားရိုင်းသတ်ပွဲထက် လည်း ပိုကြီးတာကြောင့် ကမ္ဘာ့အကြီးအဆုံး နွားရိုင်းသတ်ပွဲတွေရှိတဲ့ နိုင်ငံတစ်နိုင်ငံ ဖြစ်ပါတယ်။
