အီရန်အပေါ် အမေရိကန်ရဲ့တိုက်ခိုက်မှုကြောင့် ကုလသမဂ္ဂ လုံခြုံရေးကောင်စီ အရေးပေါ်အစည်းအဝေးမှာ ရုရှား၊ တရုတ်၊ ပါကစ္စတန်တို့က “အရှေ့အလယ်ပိုင်းဒေသမှာ ခြွင်းချက်မရှိ ချက်ချင်း အပစ်အခတ်ရပ်ရေးအဆို” ကို တင်ပြခဲ့ပြီး အဖွဲ့ဝင်နိုင်ငံတွေက အတည်ပြုဖို့ တောင်းဆိုခဲ့တယ်လို့ Reuters သတင်းမှာ ဖော်ပြပါတယ်။
ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတာရက်စ်ကလည်း အမေရိကန်က အီရန်နျူကလီးယား အဆောက်အအုံနေရာတွေကို ဗုံးကြဲတိုက်ခိုက်မှုမှာ အန္တရာယ်ရှိတဲ့ အလှည့်အပြောင်းကို ဖော်နေတယ်လို့ ပြောပါ တယ်။ တိုက်ခိုက်တာတွေရပ်ကာ အီရန်နျူကလီးယားအစီအစဉ်နဲ့ ပတ်သက်လို့ ဆက်တိုက်ညှိနှိုင်းဆွေးနွေး တာတွေ လုပ်ဖို့ ပြတ်ပြတ်သားသား ဆောင်ရွက်ရမယ်လို့ ဂူတာရက်စ်က ဆိုပါတယ်။အမေရိကန်နဲ့ လုံခြုံရေးဆိုင်ရာ ဆက်ဆံရေး ခိုင်မာပြီး ဒေသတွင်းမှာ အနီးကပ်ဆုံး မဟာမိတ်လည်းဖြစ်တဲ့ ဆော်ဒီ အာရေးဗျကတော့ အမေရိကန် တိုက်ခိုက်မှုကို ရှုတ်ချထားပါတယ်။
“အီရန်ရဲ့ အချုပ်အခြာကို ချိုးဖောက်ရာ ရောက်ပြီး ချင့်ချင့်ချိန်ချိန် လုပ်ဖို့လည်း လိုအပ်တယ်လို့ ပြောပါတယ်။ ဒါ့အပြင် နိုင်ငံတကာအသိုင်းအဝိုင်းအနေနဲ့ လည်း အတော်လေး ထိခိုက်လွယ်အခြေအနေမှာ နိုင်ငံရေးအရ အဖြေရရှိရေး နှစ်ဆ အားထုတ်ကြဖို့ကိုလည်း ဆော်ဒီက တိုက်တွန်း သွားပါတယ်။အီဂျစ်နိုင်ငံကတော့ “ဒေသတွင်း တင်းမာမှုနဲ့ ကသောင်းကနင်းဖြစ်မှုဆီ ဦးတည်နိုင်တဲ့အန္တရာယ်ကို သတိပေးထား ပြီး စစ်ရေးနဲ့မဖြေရှင်းဘဲ နိုင်ငံရေး၊သံခင်းတမန်ခင်းအရေးနဲ့ဖြေရှင်းဖို့ လိုအပ်တယ်လို့ ပြောထားပါတယ်။
