ရုရှားသမ္မတ ဗလာဒီမီယာပူတင်က ယူကရိန်းစစ်ပွဲ နဲ့ပတ်သတ်ပြီး အမေရိကန်ပြည်ထောင်စုနဲ့ လက်ရှိ အဆက် အသွယ်တွေကို အကျဉ်းချုံးဖော်ပြဖို့ အတွက် တရုတ်သမ္မတ ရှီ၊ အိန္ဒိယ ဝန်ကြီးချုပ်မိုဒီတို့နဲ့ တယ်လီဖုန်းနဲ့ ဆက်သွယ်ဆွေးနွေးခဲ့တယ်လို့ ရိုက်တာ သတင်းမှာ ဖေါ်ပြထားပါတယ်။
သမ္မတပူတင်နဲ့ ဆက်သွယ်ဆွေးနွေးမှုအတွင်း ကောင်းမွန်တဲ့ ဆက်ဆံရေးတွေရော စီးပွားရေးအခြေအနေတွေကိုလည်း ပွင့်ပွင့်လင်းလင်းပြောဆိုဆွေးနွေးခဲ့တယ်လို့ မိုဒီကပြောပါတယ်။ထရမ့်က ယူကရိန်း စစ်ပွဲကိုအဆုံးသတ်ဖို့ ဖိအားပေးထားပြီး၊ ရုရှားနိုင်ငံဟာ ငြိမ်းချမ်းရေးသဘောတူဖို့ ဒါမှမဟုတ် သဘောမတူပါက မော်စကိုအပေါ် ပိတ်ဆို့အရေးယူမှုအသစ်တွေချမှတ်မယ်လို့ ခြိမ်းခြောက်ထားပါတယ်။
ယူကရိန်းအကျပ်အတည်းကို နိုင်ငံရေးအရ ဖြေရှင်းနိုင်ဖို့အတွက် ရုရှားနဲ့ အမေရိကန်တို့ ဆက်ဆံရေးကို ဆက်လက်ထိန်းသိမ်းထားကာ ဆက်ဆံရေး တိုးတက်ကောင်းမွန်လာ တာကို မြင်တွေ့ရတဲ့အတွက် ဝမ်းမြောက်မိကြောင်း တရုတ်သမ္မတ ရှီက ပူတင်နဲ့ ဖုန်းခေါ်ဆိုမှုအပြီးမှာ ပြောပါတယ်။ဒါ့အပြင် ရုရှားပို့ကုန်ဝယ်ယူနေတဲ့နိုင်ငံတွေကိုလည်း ကြီးမားတဲ့ အခွန်ကောက်ခံမှုတွေနဲ့ ရင်ဆိုင်ရမယ်လိူ့ ထရမ့်ကပြောဆိုထားတာပါ။ အထူးသဖြင့် ရုရှားပို့ကုန်တွေ အဓိကဝယ်ယူတင်သွင်းနေတဲ့ တရုတ်နဲ့ အိန္ဒိယတို့ကို ဦးတည်ပြောဆိုတာဖြစ်ပါတယ်။
