ဖေဖော်ဝါရီ ၆ ရက် မနက်ပိုင်းက တရုတ်သမ္မတနဲ့ ထိုင်းဝန်ကြီးချုပ်တို ဘေကျင်းမှာ တွေ့ဆုံဆွေးနွေးပြီး နှစ်နိုင်ငံ နားလည်မှုစာချွန်လွှာ ရေးထိုးခဲ့ကြောင်း Bangkok Post သတင်းမှာ ရေးသားထားပါတယ်။ ထိုင်းဝန်ကြီးချုပ် Paetongtarn Shinawatra ကို တရုတ်သမ္မတက Great Hall of the People မှာ တွေ့ဆုံခဲ့တယ်လိုလည်း အစိုးရအိမ်တော်က ပြောရေးဆိုခွင့် ရှိသူတစ်ယောက်က ပြောပါတယ်။
ထိုင်းလူမျိုးတွေကို ပစ်မှတ်ထားနေတဲ့ ခေါ်ဆိုရေးစင်တာတွေနဲ့ အခြား အွန်လိုင်း လိမ်လည်လှည့်စားမှုတွေ အဆုံးသတ်ရေးအတွက် နှစ်နိုင်ငံ ပူးပေါင်း ဆောင်ရွက်ပြီး ဖြေရှင်းသွားမှာဖြစ်ကြောင်း ထိုင်းဝန်ကြီးချုပ်က ပြောကြားထားပါတယ်။ ခေါ်ဆိုမှုစင်တာ လိမ်လည်မှုတွေနဲ့ အခြားအွန်လိုင်း ရာဇ၀တ်မှုဆိုင်ရာ လှုပ်ရှားမှုတွေကို ဖြေရှင်းဖိုရည်ရွယ်ပြီး လက်တွဲလုပ်ဆောင်ဖို အရေးကြီးကြောင်းကိုလည်း သူမက အလေးပေးပြောကြားခဲ့တယ် လို သိရပါတယ်။
ထိုင်းနိုင်ငံကို တရုတ်နိုင်ငံကနေ လာရောက်သူတွေ အပါအဝင် လာရောက်လည်ပတ်သူအားလုံး ဘေးကင်းလုံခြုံ စေရေးအတွက် ကာကွယ်ပေးဖို အသင့်ရှိကြောင်း မစ္စ Paetongtarn က ပြောကြားခဲ့ပြီး နိုင်ငံတွင်း ခရီးသွားလာ ရေးနဲ့ ပတ်သက်တဲ့ မှားယွင်းတဲ့ အချက်အလက်တွေကို ဖြန့်တဲ့ အွန်လိုင်းပလက်ဖောင်းတွေကိုလည်း သေချာ စောင့်ကြည့်သွားမှာ ဖြစ်တယ်လို ဆိုပါတယ်။ အဲဒီနားလည်မှုစာချွန်လွှာမှာ လက်ရှိ ထိုင်း-တရုတ် မြန်နှုန်းမြင့် ရထား စီမံကိန်းကို အပြီးသတ်ပြီး အိမ်နီးချင်း လာအိုရှိ မြန်နှုန်းမြင့်ရထားစနစ်နဲ့ အပြန်အလှန် ချိတ်ဆက်နိုင်မယ့် ရည်ရွယ်ချက်တွေလည်း ပါဝင်ပါတယ်။
