ကွမ်ကျိုးမြို့မှာရှိတဲ့ ဒရုန်းထုတ်လုပ်တဲ့ကုမ္ပဏီတွေဟာ အခုနှစ် ပထမ ငါးလအတွင်းမှာ ဒရုန်းပေါင်း ၆၁၀၀ ကျော်တင်ပို့ခဲ့ပြီး ဒါဟာ မနှစ်က နဲ့ယှဉ်ရင် ၂၅၂ ရာခိုင်နှုန်းမြင့်တက်ခဲ့ကာ စံချိန်တင်တင်ပို့မှုဖြစ်တယ်လို့ China Daily သတင်းမှာ ပါရှိပါတယ်။
စုစုပေါင်းတင်ပို့တဲ့ ဒရုန်း ၆၁၃၄ ခုမှာ ထက်ဝက်ကျော်က စိုက်ပျိုးရေးသုံးတွေဖြစ်ကာ ကမ္ဘာတစ်ဝန်းက စိုက်ပျိုးရေးကဏ္ဍမှာ အသုံးပြုလာကြပါတယ်။ ကွမ်ကျိုးဒရုန်းအများစုကို အရှေ့တောင်အာရှ၊ တောင်အမေရိကနဲ့ အာရှအလယ်ပိုင်းဒေသက ဈေးကွက်တွေဆီ တင်ပို့ပါတယ်။ ကွမ်ကျိုးရဲ့ဒရုန်းတင်ပို့မှု အလျင်အမြန်တိုးတက်လာတာဟာ ကမ္ဘာ့ဈေးကွက်မှာ low-altitude economy အရှိန်ရလာတာကို ဖော်ပြနေတာဖြစ်ပါတယ်။ ပြည်တွင်း ဒရုန်းလုပ်ငန်းတွေရဲ့ ကမ္ဘာ့ဈေးကွက် ထိုးဖောက်မှုကြောင့် ကုန်အမှတ်တံဆိပ် လွှမ်းမိုးမှုနဲ့ ကမ္ဘာ့ဈေးကွက်ဝေစု ကြီးထွားလာပြီး ဆန်းသစ်တီထွင်မှုတွေနဲ့ တင်ပို့မှုတွေပိုမိုအဆင်ပြေအောင် လုပ်ဆောင်နေကြပါတယ်။
XAG, EHang နဲ့ Xpeng Aeroht စတဲ့ တရုတ်ထိပ်တန်းဒရုန်းကုမ္ပဏီတွေက ကမ္ဘာတစ်ဝန်း ဈေးကွက်ချဲ့ထွင်နေကြပါတယ်။ XAG ရဲ့မန်နေဂျာ Qian Shuting က ပို့ကုန်လိုင်စင်ရရှိမှု မြန်ဆန်လာတာနဲ့ လုပ်ထုံးလုပ်နည်းတွေမြန်ဆန်ချောမွေ့ဖို့ အစိုးရရဲ့ပံ့ပိုးမှုတွေက ကွမ်ကျိုးရဲ့ စီးပွားရေးတိုးတက်မှုကို ဖော်ပြနေတယ်လို့ ပြောပါတယ်။
