အမေရိကန် သမ္မတဒေါ်နယ်ထရမ့်ဟာ ပုပ်ရဟန်းမင်းကြီး ဖရန်စစ်ရဲ့ ဈာပနအခမ်းအနားကို တက်ရောက်မယ်လို့ Truth Social Post မှာ ရေးသားခဲ့တာကို Fox News သတင်းမှာ ဖော်ပြလာပါတယ်။ရိုမန်ကက်သလစ်ချာ့ချ်ရဲ့ ပထမဆုံးလက်တင်အမေရိကခေါင်းဆောင် ပုပ်ရဟန်းမင်းကြီး ဖရန်စစ်ဟာ ဧပြီ ၂၁ ရက် က ကွယ်လွန်သွားခဲ့တာ ဖြစ်ပါတယ်။
ပုပ်ရဟန်းမင်းကြီး ကွယ်လွန်ချိန်မှာ အသက် ၈၈ နှစ်ရှိပြီ ဖြစ်ပါတယ်။ ကွယ်လွန်သူပုပ်ရဟန်းမင်းကြီးကို ဂုဏ်ပြုတဲ့အနေနဲ့ ကမ္ဘာတစ်ဝန်းက တာဝန်ရှိသူတွေ စုဝေးကြမှာဖြစ်သလို ဒါဟာ ထရမ့်ရဲ့ အမေရိကန်သမ္မတ ဒုတိယသက်တမ်းအတွက် ပထမဆုံး နိုင်ငံတကာ အောက်မေ့ဖွယ် ဝမ်းနည်း ခြင်း အထိမ်းအမှတ် အခမ်းအနားကို တက်ရောက်တာလည်း ဖြစ်ပါတယ်။
ပုပ်ဖရန်စစ်ဟာ ကျမ်းသစ္စာကျိန်ဆိုမှုမှာ ထရမ့်ဆီကို စာတစ်စောင်ရေးသားခဲ့ပြီး အမေရိကန်ပြည်သူတွေရဲ့ မုန်းတီးမှု၊ ခွဲခြားဆက်ဆံမှု ဒါမှမဟုတ် ပိုမိုတရားမျှတတဲ့ လူ့အဖွဲ့အစည်းတစ်ရပ်ကို တည်ဆောက်ဖို့အတွက် အမြဲတမ်း ကြိုးပမ်းဆောင်ရွက်နေတယ်လို့ ရေးသားခဲ့ပါတယ်။သူဟာ အမေရိကတိုက်တွေက ဒါမှမဟုတ် ကမ္ဘာ့တောင်ပိုင်းရပ်ဝန်းကနေ ပထမဆုံး ပုပ်ရဟန်းမင်းကြီး ဖြစ်လာ သူပါ။ ၇၄၁ ခုနှစ်မှာ ဆီးရီးယားနွယ်ဖွား ပုပ်ရဟန်းမင်းကြီး တတိယမြောက် ဂရက်ဂရီ ကွယ်လွန်ပြီး ကတည်းက ဆိုရင် ဥရောပပြင်ပကနေ ခရစ်ယာန် ဂိုဏ်းအုပ် ဘုန်းတော်ကြီး တစ်ပါးတလေမှ ရဟန်းမင်းကြီးဖြစ်လာတာ မရှိသေးပါဘူး။
