F-47 လို့ အမည်ပေးထားတဲ့ အဆန်းပြားဆုံး တိုက်လေယာဥ်တွေ အမေရိကန် လေတပ်အတွက် စတင်ထုတ်လုပ်ဖို့ အကောင်အထည်ဖော်နေပြီဖြစ်တယ်လို့ အမေရိကန်သမ္မတ ဒေါ်နယ်ထရမ့်က ပြောပါတယ်။ အဲဒီ တိုက်လေယာဉ် သစ် ထုတ်လုပ်ဖို့အတွက် Boeing ကုမ္ပဏီနဲ့ သဘောတူလိုက်ပြီဖြစ်ကြောင်း ဒေါ်နယ်ထရမ့်က မတ်လ ၂၁ ရက်မှာ ထုတ်ဖော်ပြောကြားလာတာကို Reuters သတင်းမှာ ဖော်ပြလာတာပါ။
F-47 ဟာ စွမ်းဆောင်ရည် အမြင့်ဆုံးနဲ့ အထိရောက်ဆုံး တိုက်ခိုက်နိုင်မယ့် တိုက်လေယာဥ်ဖြစ်သလို ဒရုန်းများ စွာနဲ့အတူ ပျံသန်းတိုက်ပွဲဝင်နိုင်တဲ့ လေယာဥ်တစ်စင်းဖြစ်လာမယ်လို့ ထရမ့်က ပြောပါတယ်။ F-47 ရဲ့ စမ်းသပ် လေယာဥ်ကို လျှို့ဝှက်ပျံသန်းနေတာ ၅ နှစ်နီးပါးရှိနေပြီဖြစ်တဲ့အတွက် အမေရိကန်လေတပ်အတွက် အမြောက် အမြား စတင်ထုတ်လုပ်ဖို့ သဘောတူလိုက်တာလို့ ဆိုပါတယ်။ F-47 ဟာ ခေတ်မီ ဆန်းသစ်တဲ့ နည်းပညာတွေနဲ့ မြင်နိုင်စွမ်း မရှိလောက်အောင်ကို တည်ဆောက်ထားတာဖြစ်ပြီး စွမ်းရည်ထက်မြက်တဲ့အတွက် တခြားနိုင်ငံတွေက လေယာဥ်တွေထက် အဆပေါင်းများစွာ သာလွန်ကောင်းမွန် တယ်လို့လည်း ဒေါ်နယ်ထရမ့်က ပြောသွားခဲ့ပါတယ်။
