အမေရိကန်နဲ့ ယူကရိန်းတို့အကြား သတ္တုတွင်းထွက် အရင်းအမြစ်ဆိုင်ရာကိစ္စတွေ အပါအဝင် စီးပွားရေးသဘောတူညီချက် တစ်ခုကို လာမယ့် သီတင်းပတ်အတွင်း လက်မှတ်ရေးထိုးနိုင်ဖွယ်ရှိတယ်လို့ အမေရိကန်ဘဏ္ဍာရေးဝန်ကြီးရဲ့ ပြောကြားချက်ကို ကိုးကားပြီး ရိုက်တာသတင်းမှာ ဖော်ပြပါတယ်။
မတ်လ ၂၆ ရက်က Fox News နဲ့ အင်တာဗျူးတစ်ခုမှာ အမေရိကန်ဘဏ္ဍာရေးဝန်ကြီး စကော့ ဘက်ဆင့်က အခုလို ဖြေကြားခဲ့ပြီး အမေရိကန်သမ္မတ ဒေါ်နယ်ထရမ့်ဟာ လိုအပ်လာရင် ရုရှားအပေါ် ပိတ်ဆို့အရေးယူမှုတွေ ထပ်တိုးလုပ်ဖို့လည်း တွန့်ဆုတ်နေမှာ မဟုတ်ဘူးလို ဆိုပါတယ်။လက်ရှိမှာ စီးပွားရေးသဘောတူညီချက်နဲ့ ပတ်သက်တဲ့ မူကြမ်းကို ယူကရိန်းဘက်က သုံးသပ်နေပြီး ဒီသဘောတူညီချက်နဲ့ ပတ်သက်လို့ လာမယ့်ရက်သတ္တပတ်ထဲမှာ ဆွေးနွေးမှုတွေ အပြီးသတ်ဖို့ရှိသလို သဘောတူညီချက် လက်မှတ်ထိုးနိုင်ဖို့လည်း ရှိတယ်လို့ ဘက်ဆင့်က ပြောခဲ့တာပါ။
အမေရိကန်က ကြားဝင်စေ့စပ်ပေးထားတဲ့ စွမ်းအင်ဆိုင်ရာ အခြေခံအဆောက်အအုံတွေကို မတိုက်ခိုက်ရေး သဘောတူညီချက်ကို ဖောက်ဖျက်တယ်လို့လည်း ယူကရိန်းနဲ့ ရုရှား နှစ်ဖက်လုံးက အပြန်အလှန်စွပ်စွဲထား ပါတယ်။ယူကရိန်းသမ္မတ ဇယ်လင်းစကီးက မော်စကိုအပေါ် ဒဏ်ခတ်ပိတ်ဆိုမှုတွေ ထပ်တိုးလုပ်ဖို့ တိုက်တွန်းထားပြီး ဒီ့အတွက် စကော့ဘက်ဆင့်က လိုအပ်လာရင် အမေရိကန်က ရုရှားအပေါ် ပိတ်ဆို့မှုတွေ ထပ်တိုးမယ်လို့ ပြောခဲ့တာဖြစ်ပါတယ်။
