ရုပ်ရှင်လောကကို နားမလည်ဘဲ ပေါ်လစီတစ်ခုကို အဆောတလျင် ထုတ်လိုက်တဲ့ သမ္မတထရမ့်အပေါ် ဟောလီးဝုဒ်က အယုံအကြည် ကင်းမဲ့သွားခဲ့ပါတယ်။ ပြည်ပမှာ သွားရောက်ရိုက်ကူးမယ့် ရုပ်ရှင်တွေအပေါ် စည်းကြပ်ခွန် ၁၀၀ ရာခိုင်နှုန်း ကောက်ခံမယ်လို့ ကြေငညာလိုက်တဲ့အတွက်ကြောင့် အခုလို ဂယက်ရိုက် လာတာဖြစ်တယ်လို့ CNA သတင်းမှာ ဖော်ပြလာပါတယ်။
ထရမ့်ရဲ့စိတ်ကူးဟာ အဓိပ္ပာယ်မရှိဘူးလို့ ဖျော်ဖြေရေးနယ်ပယ်က ရှေ့နေတစ်ယောက်ကလည်း မှတ်ချက် ပြုထားပါတယ်။ ထရမ့်ရဲ့ သဘောထားကတော့ ရုပ်ရှင်တွေကို အမေရိကားမှာပဲ ပြန်ရိုက်စေချင်နေတာပါ။ထရမ့်ရဲ့အမိန့်ထုတ်ပြန်ချက်ကြောင့် ရုပ်ရှင်လောကမှာ စတော့ဈေးနှုန်းတွေ ကျဆင်းသွားပြီး အလုပ်သမားသမဂ္ဂ ကတော့ ဒီထိတ်လန့်စရာကိစ္စဟာ တီဗီစီးရီးတွေကိုပါ ထည့်တွက်မှာလားဆိုပြီး နားလည်ရခက်နေသလို အားလုံးက ဒီပေါ်လစီ အသက်သွင်းလို့ ရမရကို သိချင်နေကြပါတယ်။
