ဂျော့ဂျ်တောင်းတက္ကသိုလ်က သုတေသီတစ်ယောက်ကို ဒေါ်နယ်ထရမ့်အစိုးရက နေရပ်ပြန်ပိုဖို ဆောင်ရွက်နေတဲ့ အစီအစဉ်ကို ဗာဂျီးနီးယား ဖက်ဒရယ် တရားသူကြီးက တားမြစ်ပိတ်ပင်လိုက်ပါတယ်။ အိန္ဒိယနိုင်ငံသား ဘဒါခန်း ဆူရီ (Badar Khan Suri) ဟာ ပါရဂူဘွဲလွန် သုတေသီတစ်ယောက်ဖြစ်ပြီး ဝါရှင်တန်ဒီစီက ဂျော့ဂျ်တောင်း တက္ကသိုလ်မှာ လေ့လာသင်ကြားမှုတွေ ဆက်လုပ်နေသူဖြစ်ပါတယ်။
ကျောင်းသားဗီဇာ ကိုင်ဆောင်ထားတဲ့ ဆူရီကို ပြီးခဲ့တဲ့ မတ်လ ၁၇ ရက် ညပိုင်းက ဗာဂျီးနီးယားပြည်နယ်မှာရှိတဲ့ သူ့ရဲ့နေအိမ်အနီးမှာ လူဝင်မှုကြီးကြပ်ရေး အာဏာပိုင်တွေက ဖမ်းဆီးခဲ့တာပါ။ အမိမြေလုံခြုံရေးဌာန(DHS)က ဆူရီဟာ ဆိုရှယ်မီဒီယာပေါ်မှာ ဟားမာ့စ်ဝါဒဖြန့်ချိတာနဲ့ ဂျူးဆန့်ကျင်ရေးဝါဒကို မြှင့်တင်နေတယ်လို စွပ်စွဲထား တာဖြစ်ပြီး ဆူရီရဲ့ရှေ့နေကတော့ သူ့အမှုသည်ဟာ ဟားမာ့စ်ကို ထောက်ခံကြောင်း ဘယ်တုန်းကမှ မှတ်ချက် မပေးဖူးဘူးလို ပြောပါတယ်။
ဘဒါခန်းဆူရီကို ထရမ့်အစိုးရက ပြည်နှင်ဒဏ်ပေးဖို ဆောင်ရွက်နေပေမဲ့ ဗာဂျီးနီးယား ဖက်ဒရယ်တရားသူကြီးက တော့ တရားရုံးက အမိန့်မပေးမချင်း ပြည်နှင်ဒဏ်မပေးဖို မတ်လ ၂၀ ရက်မှာ တားမြစ်မိန့်ချလိုက်ပါတယ်။ ထင် ရှားတဲ့ ပါလက်စတိုင်းအရေး တက်ကြွလှုပ်ရှားသူ မာမွတ် ခါလီအပါအဝင် တခြားသော နိုင်ငံခြားကျောင်းသား တွေနဲ့ ပညာရှင်တွေကို ထရမ့်အစိုးရက ဖမ်းဆီးတာ၊ ပြည်နှင်တာတွေ လုပ်နေစဉ်အတွင်း ဆူရီကိုလည်း ဖမ်းဆီးခဲ့ တာ ဖြစ်ပါတယ်။ ဂျော့ဂျ်တောင်းတက္ကသိုလ် ပြောရေးဆိုခွင့်ရှိသူတစ်ယောက်ကတော့ သူတိုအနေနဲ့ ဆူရီဟာ ဘယ်တရားမဝင် လှုပ်ရှားမှုမျိုးမှာမှ ပါဝင်နေတာကို သတိမထားမိသလို ဘာကြောင့်သူ့ကို ဖမ်းဆီးထားတယ် ဆိုတာကိုလည်း မသိရဘူးလို BBC ကို ဖြေကြားထားပါတယ်။
ဆူရီရဲ့ ဇနီးဟာ အမေရိကန်နိုင်ငံသားဖြစ်ပြီး သူတိုမှာ သားသမီး ၃ ယောက် ရှိပါတယ်။ သူ့ဇနီးရဲ့ ဖခင်ဖြစ်သူ အာမက်ယူဆက်ဖ်ဟာ ဂါဇာမှာနေထိုင်သူဖြစ်ပြီး သူဟာ ကွန်လွန်သွားပြီဖြစ်တဲ့ ဟားမာ့စ်ခေါင်းဆောင်ဟောင်းရဲ့ အကြံပေးတစ်ယောက်အဖြစ် လုပ်ခဲ့ဖူးပါတယ်။ ဒါပေမဲ့ ယူဆက်ဖ်ဟာ လွန်ခဲ့တဲ့ ဆယ်စုနှစ်တစ်ခုကျော်တည်းက ဟားမာ့စ်အဖွဲနဲ့ လက်မတွဲတော့တာဖြစ်သလို ဟားမာ့စ်အဖွဲမှာ ဘာရာထူးမှလည်း ယူမထားကြောင်း New York Times က ဖော်ပြပါတယ်။ ယူဆက်ဖ်ဟာ ၂၀၂၃ ခုနှစ် အောက်တိုဘာ ၇ ရက်က ဟားမာ့စ်အဖွဲရဲ့ အစ္စရေးကို ဝင်တိုက်ခိုက်ခဲ့မှုအပေါ် လူသိရှင်ကြား ဝေဖန်ခဲ့ဖူးတယ်လိုလည်း သိရပါတယ်။
