Signal ဂရုချက်ကနေ စစ်ဆင်ရေးဆိုင်ရာ ဆွေးနွေးမှုအချက်အလက်တွေ ပေါက်ကြားမှုရှိခဲ့ပေမယ့် ဟူသီသူပုန် တွေအပေါ် အောင်မြင်စွာတိုက်ခိုက်နိုင်ခဲ့သလို စစ်ဆင်ရေးအပေါ် တစ်စုံတစ်ရာ သက်ရောက်မှု မရှိခဲ့ဘူးလို့ အမေရိကန် သမ္မတ ဒေါ်နယ်ထရမ့်က ပြောဆိုကြောင်း မတ်လ ၂၅ ရက်က NBC သတင်းဌာနမှာ ဖော်ပြထား ပါတယ်။
အဲဒီအတွက် ဒေတာပေါက်ကြားမှု အရှုပ်အရှင်းတွေ ရှိနေပေမယ့်လည်း အမျိုးသား လုံခြုံရေးအကြံပေး မိုက် ဝေါ့ဇ်အပေါ် ယုံကြည်ဆဲဖြစ်တယ်လို့ ထရမ့်က ပြောကြားလာပါတယ်။ လုံခြုံရေးအကြံပေးတာဝန် ထမ်းဆောင်တာ ၂ လပဲ ရှိသေးတဲ့ မိုက် ဝေါ့ဇ်ဟာ လူကောင်းတစ်ယောက်ဖြစ်သလို အခုဖြစ်ရပ်ကနေ သင်ခန်းစာ ယူနိုင်မယ်လို့လည်း ဒေါ်နယ်ထရမ့်က ပြောဆိုခဲ့ပါတယ်။ဟူသီစစ်ဆင်ရေးနဲ့ပတ်သက်လို့ Signal ချယ်နယ် ဂရုချက်တင်မှာ ဆွေးနွေးရာ The Atlantic သတင်းမဂ္ဂဇင်း အယ်ဒီတာချူပ် ဂျက်ဖရီ ဂိုးဘာ့ဂ်ကို မိုက်ဝေါ့ဇ်က မှားယွင်းဖိတ်ခေါ်ထည့်သွင်းခဲ့တာဖြစ်ပါတယ်။
အမေရိကန်သတင်းအများစုမှာတော့ အဲဒီ ဂရုကို အဓိက ဖန်တီးသူဟာ ကာကွယ်ရေးဝန်ကြီး ပီ ဟက်ဆက် ဖြစ်တယ်လို့ ဖော်ပြထားပါတယ်။ ဆွေးနွေးပွဲမှာ ဒေါ်နယ်ထရမ့်ရဲ့ အရှေ့အလယ်ပိုင်းနဲ့ရုရှားနိုင်ငံဆိုင်ရာ အထူးကိုယ်စားလှယ် စတိဗ် ဝှစ်ကော့ဖ်လည်း ပါဝင်ခဲ့ပြီး ဆွေးနွေးပွဲလုပ်နေချိန်မှာ ဝှစ်ကော့ဖ်ဟာ မော်စကို မြို့တော်မှာ ရှိနေတယ်လို့ အမေရိကန်သတင်းတွေက ဖော်ပြထားပါတယ်။
