ယူကရိန်းပဋိပက္ခအတွက် ပြီးပြည့်စုံတဲ့အပစ်အခတ်ရပ်စဲရေးကို လာမယ့်သီတင်းပတ် အနည်းငယ်အတွင်း အကောင်အထည်ဖော်နိုင်လိမ့်မယ်လို့ အမေရိကန်သမ္မတဒေါ်နယ်ထရမ့်ရဲ့ အထူးသံတမန် စတိဗ်ဝစ်အော့ဖ်က ပြောကြားထားတာကို Reuters သတင်းမှာ ဖော်ပြထားပါတယ်။ အဲဒီလိုမျိုး သဘောတူညီချက်ကို ရရှိပြီဆိုတာနဲ့ အမေရိကန်အစိုးရက ရုရှားအပေါ်ချမှတ်ထားတဲ့ ပိတ်ဆို့ အရေးယူမှုတွေကို ဖြေလျှော့ပေးသွားနိုင်ဖွယ် ရှိနေတယ် လို့ စတိဗ်ဝစ်က ပြောပါတယ်။
ဒါ့အပြင် အမေရိကန်သမ္မတဒေါ်နယ်ထရမ့်နဲ့ ရုရှားသမ္မတပူတင်တို့ကြား ဖုန်းခေါ် ဆိုမှုက ကောင်းမွန်တဲ့ ဖုန်းခေါ်ဆိုမှုတစ်ခုဖြစ်သလို တစ်ဖက်ကလည်း ကောင်းမွန်တဲ့ခြေလှမ်းတစ်ခု ဖြစ်လာနိုင်တဲ့ အရိပ်လက္ခာဏာတွေ မြင်တွေ့နေရတယ်လို့လည်း သူကဆိုပါတယ်။ဒေါ်နယ်ထရမ့်နဲ့ ပူတင်တို့ဟာ စွမ်းအင်နဲ့ အခြေခံအဆောက်အဦဆိုင်ရာအပစ်အခတ်ရပ်စဲရေးကို သဘောတူညီ ခဲ့ကြပြီး ဒေါ်နယ်ထရမ့်နဲ့ ပူတင်တို့ဟာ အချိန်(၂)နာရီခွဲကြာ ဖုန်းခေါ်ဆိုမှုအတွင်း အဲဒီသဘောတူညီချက်ကို ရရှိခဲ့တာဖြစ်တယ်လို့ သိရပါတယ်။
