မကြာခင်အချိန်အတွင်းမှာ အမေရိကန်သမ္မတ ဒေါ်နယ်ထရမ့်ဟာ သူခြိမ်းခြောက်ထားတဲ့ မော်တော်ယာဉ် အခွန် စည်းကြပ်မှု အားလုံးကို စတင်ချမှတ်ကောက်ခံတော့မှာဖြစ်တယ်လို့ Reuters သတင်းမှာ ဖော်ပြပါတယ်။
သတ်မှတ်ထားတဲ့အတိုင်း အမေရိကန်ပြည်ထောင်စုကို တင်သွင်းလာတဲ့ မော်တော်ယာဉ်တွေကို အခွန် ၂၅ ရာခိုင် နှုန်းအထိ ကောက်ခံသွားမှာဖြစ်ပေမယ့် နိုင်ငံအချို့ကိုတော့ ကင်းလွတ်ခွင့်ပေးထားမှာဖြစ်တယ်လို့ ဆိုပါတယ်။ ဒါ့ကြောင့် မကြာမီအချိန်အတွင်းမှာ မော်တော်ကားအခွန်စည်းကြပ်မှုတွေ စတင်အသက်ဝင်လာတော့မှာ ဖြစ်တယ် လို့ ထရမ့်က ပြောပါတယ်။ ပြီးခဲ့တဲ့သီတင်းပတ်တွေ ကပြောကြားထားတဲ့အတိုင်း မော်တော်ယာဉ် အခွန်ကောက် ခံမှုကို ဧပြီ ၂ရက်မှာ စတင် ကောက်ခံသွားမှာ မဟုတ်ဖူးလို့ ထရမ့်က ပြောပါတယ်။
တစ်ချိန်တည်းမှာပဲ ထရမ့်က ဗင်နီဇွဲလားကနေ ရေနံ ဒါမှမဟုတ် သဘာဝဓာတ်ငွေ့ကို ဝယ်ယူတဲ့ ဘယ်နိုင်ငံ မဆို အခွန် ၂၅ ရာခိုင်နှုန်းအထိ တိုးကောက်ခံမှာဖြစ်တယ်လို့ ပြောကြားထားးပါတယ်။ ဒါဟာ ထရမ့်အနေနဲ့ သမ္မတ တာဝန်ထမ်းဆောင်စဉ်အတွင်း ကမ္ဘာ့ကုန်သွယ်ရေးစစ်ပွဲအတွက် နောက်ထပ်မျက်နှာစာတစ်ခု ဖွင့်လှစ်ခဲ့တာလည်း ဖြစ်ပါတယ်။မော်တော်ယာဥ်အပြင် ဆေးဝါးတွေ ဒါမှမဟုတ် ဆီမီးကွန်ဒတ်တာ ချစ်ပ်ပြားတင်သွင်းမှုတွေကိုလည်း ကဏ္ဍ အလိုက် စည်းကြပ်ခွန် ကောက်ခံသွားမှာဖြစ်ပြီး စတင်ကောက်ခံမယ့် အချိန်နဲ့ရက်ကိုတော့ အတိအကျ ထုတ်ဖော် ပြောကြားထားတာမရှိဘူးလို့ အိမ်ဖြူတော် အရာရှိတစ်ယောက်က ပြောပါတယ်။
