သမ္မတထရမ့်ဟာ မတ်လ ၂၀ ရက်က ပင်တဂွန်စစ်ဌာနချုပ်မှာ ရှိနေစဉ် အစိုးရစွမ်းဆောင်ရည်ဌာန DOGE အကြီးအကဲ အီလွန် မတ်စ်ခ်နဲ့တွေ့ဆုံပြီး တရုတ်နဲ့ စစ်ဖြစ်နိုင်ချေရှိတဲ့ အမေရိကန်စစ်ရေးအစီအစဉ်အကြောင်း အကျဉ်းချုံး ပြောကြားခဲ့တယ်လို့ CNN သတင်းမှာ ရေးသားထားပါတယ်။ ဒါပေမဲ့ အမေရိကန်စစ်ရေး အစီအစဉ် တွေအကြောင်း အသေးစိတ်အချက်အလက်တွေကိုတော့ ဘယ်သူ့ကိုမှ ချမပြချင်ဖူးလို့ ထရမ့်က ပြောပါတယ်။
တရုတ်နဲ့ စစ်ပွဲဖြစ်နိုင်ချေကို ကျွန်တော်တို့ မလိုလားပါဘူး။ ဒါပေမဲ့ ကျွန်တော်တို့က ဖြစ်လာနိုင်ချေရှိတာတွေ အတွက် ကြိုတင်ပြီး အကောင်းဆုံးကိုင်တွယ်ဖြေရှင်းဖို့ အဆင်သင့်ဖြစ်နေပြီလို့ ဆိုပါတယ်။ အီလွန်မတ်စ်ခ်က လည်း တရုတ်နဲ့ ဖြစ်နိုင်ချေရှိတဲ့ ပဋိပက္ခတွေအတွက် အမေရိကန်စစ်တပ်ဘက်က အစီအစဉ် အကျဉ်းချုံးကို လက်ခံရရှိထားပြီး တရုတ်ဟာ ကမ္ဘာမှာအင်အားကြီးနိုင်ငံတစ်နိုင်ငံဖြစ်သလို စီးပွားရေးဈေးကွက် အများအပြား ရှိတာကြောင့် မလိုအားအပ်တဲ့ ပဋိပက္ခတွေ မဖြစ်ချင်ဘူးလို့ အီလွန်မတ်စ်ခ်က ပြောပါတယ်။ ဒါ့အပြင် အမေရိကန်က တိုက်လေယာဉ်အသစ်တစ်စင်း တည်ဆောက်ဖို့လည်း ကြိုးပမ်းနေတယ်လို့ သမ္မတ ထရမ့်က အိမ်ဖြူတော်မှာပြုလုပ်နေတဲ့ အစည်းအဝေးမှာ ပြောကြားလာပါတယ်။
