ခေတ်ဟောင်းကားတွေကို နှစ်သက်တဲ့ အီဂျစ်လူမျိုး အီဟာမီ အက်ဇတ်ဟာ သူ့ရဲ့ဝါသနာကို အသက်မွေးဝမ်းကျောင်း လုပ်ငန်းတစ်ခုအဖြစ် ပြောင်းလဲပြီး ဂန္ထဝင်ကားဟောင်းတွေကို ပြုပြင်လိုသူတွေအတွက် ကားပြင်ဝပ်ရှော့ ဖွင့်ခဲ့ပါတယ်။
ဂန္ထဝင်ကားတစ်စီးကို ပြန်လည် ပြင်ဆင်ရေးဟာ ကားရဲ့လိုအပ်တဲ့အရာတွေပေါ် မူတည်ပြီး အပြီး သတ်ဖို့က လချီ နှစ်ချီ ကြာနိုင်ပါတယ်။
တချို့ကားတွေက အစိတ်အပိုင်းအသစ်တွေ လိုအပ်ပြီး တချို့ကားတွေဟာ ပြည်ပက တင်သွင်းတဲ့ စက်ရုံထုတ် မူရင်းအပိုပစ္စည်းတွေ လိုအပ်ပါတယ်။
အက်ဇက်အတွက် အရေးကြီးဆုံး တာဝန်က ကားဟောင်းတွေကို တစ်ချိန်က သူတို့ရဲ့ မူလအခြေအနေအတိုင်း ပြန်လည်ရောက်ရှိဖို့ ဖြစ်ပါတယ်။
၁၉၆၀ ပြည့်နှစ်တွေက ထုတ်လုပ်ခဲ့တဲ့ MG Midget ကားကို ပိုင်ဆိုင်တဲ့ ဖောက်သည်တွေအတွက် ကားရဲ့ နဂို အခြေအနေ ပြန်ရောက်ဖို့ လချီကြာမြင့်တဲ့ သုတေသနနဲ့ စီစဉ်မှုလိုအပ်တယ်လို့ အက်ဇက်က ပြောပါတယ်။
ဂန္ထဝင်ကားတွေကို ပြန်လည်မွမ်းမံတာ နှစ် ၃၀ ကျော်ကြာ အတွေ့အကြုံရှိခဲ့တဲ့ အက်ဇက်ဟာ လွန်ခဲ့တဲ့သုံးနှစ်က ကားဟောင်းပြင်ဝပ်ရှော့ကို ဖွင့်ခဲ့တာပါ။
သူဟာ အခုအချိန်အထိ ဂန္ထဝင်ကား အစီးရေ ၅၀ နီးပါးကို ပြန်လည် မွမ်းမံထားပြီး အီဂျစ်နိုင်ငံဟာ ဂန္ထဝင်ကားဟောင်းတွေ တင်သွင်းမှုအပေါ် ကန့်သတ်ချက်တွေကို ဖြေလျှော့ပေးဖို့ မျှော်လင့်ထားပါတယ်။
အီဂျစ်မှာ ၂၀၂၀ ပြည့်နှစ်က ပြဋ္ဌာန်းထားတဲ့ ဥပဒေအရ ဂန္ထဝင်ကားတွေ တင်သွင်းလိုသူတွေဟာ သယ်ယူပို့ဆောင်ရေးဝန်ကြီးဌာနက အထူးပါမစ် ရယူရမှာ ဖြစ်ပါတယ်။
