ကင်ညာနိုင်ငံ မြို့တော် နိုင်ရိုဘီမှာ အင်္ဂါနေ့ ညနေပိုင်းက အဆောက်အဦတစ်ခု မီးလောင်မှုဖြစ်ရာမှာ မီးအား ကောင်းလွန်းလို့ မီးသတ်သမားတွေက ကြိုးစားပမ်းစား ငြှိမ်းသတ်နေရပါတယ်။ အဲဒီအဆောက်အဦဟာ မြို့တော် အားကစားရုံအနီးမှာ တည်ရှိတဲ့ စီးပွားရေးဆိုင်ရာ အဆောက်အဦ တစ်ခုဖြစ်ပါတယ်။ မီးလောင်မှု ဘာကြောင့် ဖြစ်ရသလဲဆိုတာကို မသိရသေးပါဘူး။
မီးလောင်မှုအတွင်း ဒဏ်ရာရသူနဲ့ သေဆုံးသူ လက်ရှိအချိန်အထိ မရှိသေးဘူးလို့ ဆိုပါတယ်။ အရပ်သားပြည်သူ တွေကလည်း မီးငြှိမ်းသတ်ရာမှာ မီးသတ်တပ်ဖွဲ့ဝင်တွေနဲ့ အတူပါဝင်ကူညီပေးနေတာကိုလည်း တွေ့ရပါတယ်။ ညပိုင်းကို ရောက်လာတဲ့အထိ မီးညွန့်အားကောင်းနေဆဲ ဖြစ်တဲ့အတွက် ညပိုင်းအထိ မီးငြှိမ်းသတ်နိုင်ရေး ဆက်လက်အားထုတ်နေရပါတယ်။
