OpenAI ကို ဝယ်ဖို့ စီစဉ်နေတဲ့ အီလွန်မတ်ခ်ရဲ့အသားတင် ချမ်းသာ ကြွယ်ဝမှုဟာ ဒေါ်လာဘီလီယံ ၄၀၀ အောက်ကိုပထမဆုံးအကြိမ် ကျဆင်းသွားပါတယ်။
အီလွန်မတ်ခ်ရဲ့ ဓနဥစ္စာပိုင်ဆိုင်မှုက Tesla ရှယ်ယာနဲ့ ချိတ်ဆက်နေတာဖြစ်ပြီးဝင်ငွေ ၆၀% ကျော်က Tesla အစုရှယ်ယာနဲ့ ခံစားခွင့်တွေက လာတာဖြစ်ပါတယ်။
အဲ့ဒီအတွက် Tesla ရှယ်ယာဈေးနှုန်းနှစ်ဆနီးပါးကျဆင်းသွားတဲ့နောက် အီလွန်မတ်ခ် ရဲ့ စီးပွားရေးကို ထိလာတာဖြစ်ပါတယ်။
ဒေါ်နယ်ထရမ့် သမ္မတဖြစ်သွားပြီးနောက် Tesla ကုမ္ပဏီ အခုထက်ပို အောင်မြင်ဦးမယ်လို့ မျှော်လင့်ခဲ့ပြီး ဒီဇင်ဘာလယ်က အမြင့်ဆုံးရောက်ခဲ့တဲ့ Tesla ရှယ်ယာဈေးဟာ ၂၇% အထိ ထိုးကျဆင်းသွားပါတယ်။
Tesla ရှယ်ယာဈေး အမြင့်ဆုံးအချိန်မှာ အီလွန်မတ်ခ်ရဲ့ ချမ်းသာကြွယ်ဝမှုက ဒေါ်လာ ၄၈၆.၄ ဘီလျံအထိ ရောက်ခဲ့တာဖြစ်ပါတယ်။ ခေတ်သစ်စီးပွားရေးသမိုင်းမှာ ဒီလောက် ချမ်းသာတဲ့သူကို မမြင်ဖူးခဲ့ကြပါဘူး။ ပြီးခဲ့တဲ့ရက်သတ္တပတ်ကတော့ Tesla စတော့ရှယ်ယာတွေ အဆိုးဆုံး ကျဆင်းခဲ့ပါတယ်။
Tesla ရဲ့ထိပ်တန်း ဥရောပဈေးကွက်ဖြစ်တဲ့ ဂျာမနီမှာ ၂၀၂၁ နောက်ပိုင်း ရောင်းအား ၅၉% အထိ အဆိုးဆုံး ထိုးကျသွားခဲ့သလို BYD လို တရုတ်ကုမ္ပဏီတွေ ပြိုင်ဆိုင်မှုကောင်းတဲ့ တရုတ်မှာလည်း အရင်နှစ်ကထက် ရောင်းအား ၁၁.၅% ကျသွားခဲ့ပါတယ်။
Tesla ရှယ်ယာဈေးကျပြီး ဓနဥစ္စာ ဒေါ်လာ ဘီလျံ ၄၀၀ အောက်ရောက်သွားပေမယ့် လက်ရှိ ဒေါ်လာ ၃၉၄.၆ ဘီလျံကြွယ်ဝတဲ့ အီလွန်မတ်််ခက ဒုတိယအချမ်းသာဆုံးသူဌေး မတ်ခ်ဇူကာဘတ်ထက် ဒေါ်လာ ၁၄၀ ဘီလျံကျော် ချမ်းသာနေပါတယ်။
