အိန္ဒိယနိုင်ငံ အလယ်ပိုင်းမှာ တနင်္ဂနွေနေ့က ဖြစ်ပွားခဲ့တဲ့ တိုက်ပွဲအတွင်း မော်ဝါဒီသူပုန်ဘက်က အနည်းဆုံး (၃၁)ယောက်နဲ့ ရဲတပ်ဖွဲ့ဘက်က ရဲအရာရှိ(၂)ယောက် သေဆုံးသွားတယ်လို့ အိန္ဒိယရဲတွေဘက်က ပြောပါတယ်။
ရဲနဲ့ပြည်သူ့စစ် ရာပေါင်းများစွာဟာ ချာတီဂါပြည်နယ် အင်ဒရာဗာတီနယ်မြေမှာ မော်ဝါဒီသူပုန်တွေ အများအပြား စုဖွဲ့နေတယ်လို့ သတင်းရတဲ့နောက် သွားရောက် တိုက်ခိုက်ခဲ့တာလို့ ပြည်နယ် ရဲချုပ်က ပြောပါတယ်။
အင်ဒရာ ဗာတီ သစ်တောအတွင်း တပ်ဖွဲ့ဝင်တွေက မော်ဝါဒီတွေကို လိုက်လံ ရှာဖွေတိုက်ခိုက်ရာမှာ အနည်းဆုံး သူပုန် (၃၁)ယောက် သေဆုံးခဲ့တာပါ။
ရဲအရာရှိ (၂)ယောက်လည်း သေဆုံးခဲ့ပြီး နောက်ထပ် ရဲ(၂)ယောက်လည်း ဒဏ်ရာရခဲ့ပါတယ်။ တိုက်ပွဲအတွင်း သူပုန်တွေလက်ကနေ မောင်းပြန်ရိုင်ဖယ်အပါအဝင် လက်နက်နဲ့ခဲယမ်းတွေ သိမ်းဆည်းရမိခဲ့ပါတယ်။ တိုက်ပွဲနဲ့ ပတ်သက်ပြီး မော်ဝါဒီတွေဘက်က သတင်းထုတ်ပြန်တာမျိုး မရှိပါဘူး။
