ယူကရိန်းနိုင်ငံက ဒုတိယအကြီးဆုံးမြို့ဖြစ်တဲ့ ခါကိဗ် မြို့ကို မတ်လ ၂၆ ရက်နေ့နှောင်းပိုင်းက ရုရှားတပ်ဖွဲ့တွေက ဒရုန်းတွေ အသုံးပြုပြီး စီးနင်းတိုက်ခိုက်မှုတွေပြုလုပ်ခဲ့ကြောင်း US news မှာရေးသားထားပါတယ်။ရုရှားဘက်က ဒရုန်းတွေနဲ့တိုက်ခိုက်မှုကြောင့် လူကိုးဦး ဒဏ်ရာရပြီး အဆောက်အအုံအများအပြား သိသိသာသာ ပျက်စီးသွားတယ်လို့ အရေးပေါ်ဌာနနဲ့ တာဝန်ရှိသူတွေက ပြောပါတယ်။
တယ်လီဂရမ် မက်ဆေ့ချ် အက်ပ်မှာ လွှင့်တင်ထားတဲ့ အရေးပေါ် ဝန်ဆောင်မှုထုတ်ပြန်ချက်တွေအရ တိုက်ခိုက် မှုတွေကြောင့် မြိုလယ်မှာ မီးလောင်ကျွမ်းမှု လေးကြိမ် ဖြစ်ပွားခဲ့ပြီး အဆိုပါ တိုက်ခိုက်မှုကြောင့် အဆောက် အအုံတွေ ဆိုးရွားစွာ ပျက်စီးခဲ့တယ်လို့သိရပါတယ်။ဒီလို ရုရှားဘက်က ဒရုန်းတိုက်ခိုက်မှုကြောင့် အလယ်ပိုင်း နီပရို မြို့မှာ မီးလောင်မှုတွေ ဖြစ်ပွားခဲ့တယ်လို့ ဒေသဆိုင်ရာ အုပ်ချုပ်ရေးမှူးကပြောကြားထားပါတယ်။
