ဥရောပနဲ့ ကနေဒါနိုင်ငံခေါင်းဆောင်တွေ တွေ့ဆုံဆွေးနွေးနေတဲ့ လန်ဒန်ထိပ်သီးအစည်းအဝေးကို ယူကရိန်း သမ္မတ ဇယ်လန်စကီး တက်ရောက်နေတယ်လို့ Euronews သတင်းထုတ်ပြန်ချက်အရ သိရပါတယ်။ဝါရှင်တန်မှာ အမေရိကန်သမ္မတဒေါ်နယ်ထရန့်၊ဒုတိယသမ္မတဂျေဒီဗန့်စ်နဲ့ ယူကရိန်းသမ္မတဇယ်လန်စကီး တို့အကြား အချေအတင် ဖြစ်ပွားခဲ့ပြီးနောက် အနောက်မဟာမိတ်တွေအကြား မကြုံစဖူး အကျပ်အတည်းထဲ တွန်းပို့ခံခဲ့ရသလိုဖြစ်တာကြောင့် ဥရောပခေါင်းဆောင်တွေ အခုလို တွေ့ဆုံမှု ဖြစ်ပေါ်လာခဲ့တာဖြစ်ပါတယ်။
လန်ဒန်ထိပ်သီးအစည်းအဝေးကို ဗြိတိနိုင်ငံ၊လန်ဒန်မြို့မှာ ကျင်းပနေတာပြီး ယူကရိန်း၊ ပြင်သစ်၊ ဂျာမနီ၊ ဒိန်းမတ်၊ အီတလီ၊ နယ်သာလန်၊ နော်ဝေ၊ ပိုလန်၊ စပိန်၊ ကနေဒါ၊ ဖင်လန်၊ ဆွီဒင်၊ ချက်နဲ့ ရိုမေးနီးယားနိုင်ငံခေါင်းဆောင် တွေ၊ တူကီယဲနိုင်ငံခြားရေးဝန်ကြီး၊ ဥရောပကော်မရှင်၊ ဥရောပကောင်စီဥက္ကဋ္ဌတွေနဲ့ နေတိုးအတွင်းရေးမှူးချုပ်တို့ တက်ရောက်နေပါတယ်။ယူကရိန်းက ဓာတ်သတ္တုတွေ ထုတ်ယူရေး အမေရိကန်နဲ့ သဘောတူညီချက်ကို ယူကရိန်းသမ္မတက လက်မှတ် မထိုးဘဲ ပြီးခဲ့တဲ့ ဖေဖော်ဝါရီလ ၂၈ ရက်က အမေရိကန်ပြည်ထောင်စုကနေ ထွက်ခွာလာတာဖြစ်ပါတယ်။
