နိုင်ငံတော်ကာကွယ်ရေးအသုံးစရိတ်ကို တိုးမြှင့်တော့မှာဖြစ်တယ်လို့ ဗြိတိန်ဝန်ကြီးချုပ်က ကြေညာချက်ထုတ်ပြန် လိုက်တာကို Reuters သတင်းမှာ ဖော်ပြထားပါတယ်။ အမေရိကန်သမ္မတဒေါ်နယ်ထရမ့်နဲ့ တွေ့ဆုံဖို့အတွက် အရေးပါတဲ့ ဝါရှင်တန် အလည်အပတ်ခရီးစဉ်မတိုင်မီ ဗြိတိန်၀န်ကြီးချုပ်ကီယာစတာမာက ကြေညာလိုက်တာ ဖြစ် ပါတယ်။
ယူကရိန်းစစ်ပွဲအနာဂတ်နဲ့ပတ်သက်လို့ ထရမ့်နဲ့ ဥရောပအကြား အချင်းများမှုတွေ ပိုမိုကြီးထွားလာခဲ့ပြီး နောက် အခုလို ကြေညာချက် ထွက်ပေါ်လာတာဖြစ်ပါတယ်။ ဗြိတိန်ကာကွယ်ရေးအသုံးစရိတ်ကို လာမယ့် ၂၀၂၉ ခုနှစ်နောက်ပိုင်း ၃ ရာခိုင်နှုန်းအထိ တိုးမြှင့်သွားမှာဖြစ်သလို ဥရောပလုံခြုံရေးကို မြှင့်တင်ဖို့အတွက် ကြိုးပမ်းအား ထုတ်မှုတွေကိုလည်း အရှိန်မြှင့်သွားမှာဖြစ်ပါတယ်။
ဒါ့အပြင် အတ္တလန်တိတ်ရဲ့တစ်ဖက် ဒါမှမဟုတ် အခြား တစ်ဖက်ကြားက ကျွန်တော်တို့ရဲ့ မဟာမိတ်တွေအတွင်းမှာ မှားယွင်းတဲ့ ရွေးချယ်မှုမှန်သမျှကို ကျွန်တော်တို့ ငြင်းပယ်ရပါမယ်။ မှားယွင်းတဲ့ ရွေးချယ်မှုတွေက တိုင်းပြည်နဲ့အဖွဲ့အစည်းကို ဆန့်ကျင်နေပြီး ကျွန်တော့်တို့ရဲ့ သမိုင်းကြောင်းလည်းဖြစ်ပါတယ်လို့ ဗြိတိန်ဝန်ကြီးချုပ်က ပြောဆိုခဲ့ပါတယ်။
