သောကြာနေ့နှောင်းပိုင်းက ပဲရစ်အိုလံပစ်ဖွင့်ပွဲ အခမ်းအနားမတိုင်ခင် ပြင်သစ်နိုင်ငံတစ်ဝန်း အရုဏ်မတက်ခင် နှောင့်ယှက်တိုက်ခိုက်မှုတွေ ဆက်တိုက်ဖြစ်ပွားခဲ့ပါတယ်။
ပြင်သစ်မီးရထားအော်ပရေတာ SNCF က အတ္တလန္တိတ်ကမ်းရိုးတန်းမှာ ဇူလိုင် ၂၆ ရက်က ပုံမှန်ရထားသုံးစီးအနက် တစ်စီး ပြေးဆွဲနေပြီး မြောက်ဘက်ကိုပြေးဆွဲတဲ့ အဲဒီရထားဟာ တစ်နာရီနောက်ကျတာကလွဲလို့ ပြဿနာတစ်စုံတစ်ရာ မတွေ့ရဘူးလို့ ပြောဆိုခဲ့ပါတယ်။
TGV မြန်နှုန်းမြင့် ရထားကွန်ရက်ကို အဖျက်သမားတွေက ဝင်ရောက်နှောင့်ယှက်ခဲ့ပြီး ခရီးသွားလာမှုကို မငြိမ်မသက်ဖြစ်စေခဲ့ပါတယ်။
အရာအားလုံး မှန်မှန်ကန်ကနေဖြစ်အောင် လနဲ့ချီပြီး အလုပ်လုပ်ခဲ့တယ်လို့ အတ္တလန်တစ် ရထားလိုင်း အကြီးအကဲက ပြောပါတယ်။
နှောင့်ယှက်တိုက်ခိုက်မှုအတွက် ထုတ်ပြန်ကြေညာတဲ့သူ မရှိသေးပါဘူး။
လက်ဝဲစစ်သွေးကြွတွေ ဒါမှမဟုတ် သဘာဝပတ်ဝန်းကျင်အရေး တက်ကြွလှုပ်ရှားသူတွေအပေါ် ကနဦးသံသယတွေ ရှိခဲ့တယ်လို့ လုံခြုံရေးသတင်းရင်းမြစ်နှစ်ခုက ပြောပါတယ်။
ဒါပေမယ့် ဘာအထောက်အထားမှ မရှိသေးဘူးလို့လည်း ပြောပါတယ်။
