ရုရှား-ယူကရိန်း ပဋိပက္ခအဆုံးသတ်ရေး ညှိနှိုင်းဖို့အတွက် အဆင်သင့်ဖြစ်နေပြီဖြစ်ကြောင်း ယူကရိန်းသမ္မတ ဇယ်လန်းစကီးက ပြောကြားတာကို CNN သတင်းမှာ ရေးသားထားပါတယ်။ အိမ်ဖြူတော် ဘဲဥပုံရုံးတွေ့ဆုံမှုမှာ ဖြစ်သင့်ဖြစ်ထိုက်တဲ့ပုံစံအတိုင်း ဖြစ်မသွားဘဲ ပြင်းထန်တဲ့တွေ့ဆုံမှုဖြစ်ခဲ့တဲ့အပေါ် စိတ်မကောင်းဖြစ်ရတယ်လို့ လည်း ဇယ်လန်းစကီးက ပြောပါတယ်။
စစ်မှန်တဲ့ ငြိမ်းချမ်းရေးနဲ့ အာမခံချက်ရှိတဲ့ လုံခြုံရေးအတွက် အမေရိကန်နဲ့ ပူးပေါင်းဆောင်ရွက်ရေးမှာ အခြေခံ တစ်ခုရှာဖွေဖို့ ကျွန်တော်တို့အားလုံး တာဝန်ရှိတယ်လို့ ယူကရိန်းသမ္မတ ဇယ်လန်စကီးက ပြောပါတယ်။
ကျွန်တော်တို့ထဲက ဘယ်သူကမှ အဆုံးမဲ့စစ်ပွဲကို မလိုချင်ပါဘူး၊ ယူကရိန်းအနေနဲ့ ရေရှည်တည်တံ့တဲ့ ငြိမ်းချမ်း ရေးကို ပိုမိုနီးကပ်လာစေဖို့ စေ့စပ်ညှိနှိုင်းရေး စားပွဲဝိုင်းကို အမြန်ဆုံးလာရောက်ဖို့ အသင့်ရှိနေပါတယ်။ ယူကရိန်း နိုင်ငံသားတွေထက်ပိုပြီး ငြိမ်းချမ်းရေးကို ဘယ်သူကမှ မလိုလားပါဘူး။ ကျွန်တော့်တို့တွေဟာ သမ္မတထရမ့်ရဲ့ ခိုင်မာတဲ့ ဦးဆောင်မှုအောက်မှာ အလုပ်လုပ်ဖို့ အဆင်သင့်ဖြစ်နေပြီလို့ ဇယ်လန်းစကီးက အခိုင်အမာ ပြောကြားခဲ့ ပါတယ်။
