လာမယ့် ဖေဖော်ဝါရီလ ၁၅ ရက်မှာ ဓားစာခံတွေ ပြန်လွှတ်ပေးမယ့် အစီအစဉ်ကို ဟားမာ့စ်အဖွဲ့က ရွှေ့ဆိုင်း ထားတာကြောင့် အစ္စရေးဘက်က ခြိမ်းခြောက်လာတာကို CNN သတင်းမှာ ရေးသားထားပါတယ်။
အပစ်အခတ် ရပ်စဲရေး သဘောတူညီချက်ကို အစ္စရေးဘက်က ချိုးဖောက်တယ်ဆိုတဲ့ စွပ်စွဲကြောင့် ဟားမာ့စ်အဖွဲ့က ဓားစာခံ တွေ လွှတ်ပေးမယ့်အစီစဉ်ကို ရွှေ့ဆိုင်းထားတာပါ။ အဲဒီအပေါ် အစ္စရေးဘက်က သတ်မှတ်ထားတဲ့ ရက်အတွင်း ဓားစာခံတွေလွှတ်ပေးရေး အမြန်ဆုံးလုပ်ဆောင်ဖို့ ခြိမ်းခြောက်ပြောဆိုလာတာ ဖြစ်ပါတယ်။ တစ်ချိန်တည်းမှာပဲ အမေရိကန်သမ္မတ ဒေါ်နယ်ထရန့်က အပစ်အခတ်ရပ်စဲရေးနဲ့ ဟားမာ့စ်တို့ဘက်ကနေ ဓားစာခံတွေကို အမြန်ဆုံး လွှတ်ပေးဖို့ တိုက်တွန်းထားပါတယ်။
ဟားမာ့စ်ဘက်ကလည်း အပစ်အခတ်ရပ်စဲရေး စာချုပ်ပါ စည်းကမ်းချက် တွေကို အစ္စရေးဘက်က အတိအကျ လိုက်နာဖို့ ပြောဆိုထားပြီး အပစ်အခတ်ရပ်စဲရေးဆိုင်ရာ စည်းမျဉ်းတွေကို အတိအကျလိုက်နာမှသာ ဓားစာခံတွေလွှတ်ပေးဖို့ စဉ်းစားပေးမှာဖြစ်ကြောင်း ပြောကြားထားပါတယ်။
