ဖိလစ်ပိုင်သမ္မတဟောင်း ဒူတာတေး အမှုကိုကိုင်တွယ်နေတဲ့ ICC ရှေ့နေချုပ်တစ်ဦးဖြစ်တဲ့ ကာရင်ခန်းဟာ လိင်ပိုင်းဆိုင်ရာ အကျင့်ပျက်ခြစားမှု စွပ်စွဲချက်တွေနဲ့ ရင်ဆိုင်နေရကြောင်း The Manila Times သတင်းမှာဖော်ပြထားပါတယ်။သမ္မတဟောင်း ဒူတာတေး အမှုတွဲကို စုံစမ်းစစ်ဆေးနေစဉ်အတွင်းမှာ ကာရင်ခန်းက လိင်ပိုင်းဆိုင်ရာ အကျင့်ပျက်ခြစားမှု စွပ်စွဲချက်တွေနဲ့ ရင်ဆိုင်နေရပြီး ကာရင်ခန်းကတော့ အဆိုပါအမှုဟာမမှန်ကန်ကြောင်းငြင်းဆိုထားပါတယ်။
နိုင်ငံတကာရာဇဝတ် မှုတရားရုံးICC ဟာ အဆိုပါအမှုနဲ့ ပတ်သက်လို့ လွန်ခဲ့တဲ့ ၂၀၂၄ ခုနှစ် နိုဝင်ဘာလကတည်းက စုံစမ်းစစ်ဆေးမှု စတင်ခဲ့ပြီး အခုထိလည်း ဆက်လက်လုပ်ဆောင်နေဆဲဖြစ်တယ်လို့သိရပါတယ်။ကာရင်ခန်းဟာ ၂၀၂၃ ခုနှစ် မေလအတွင်းကတည်းက အစ္စရေးဝန်ကြီးချုပ် ဘင်ဂျမင်နေတန်ယာဟုနဲ့ အစ္စရေး ကာကွယ်ရေးဝန်ကြီးတို့ကို ဖမ်းဆီးဖို့ လုပ်ခဲ့တာဖြစ်ပါတယ်။ဒါပေမယ့် နေတန်ယာဟုကို ဖမ်းဆီးဖို့ အောင်မြင်မှု မရရှိခဲ့တဲ့ ကာရင်ခန်းက ဒူတာတေးကို ပစ်မှတ်ထားကာ အမှုကိုကိုယ်တိုင် လက်ခံစစ်ဆေးခဲ့ပြီး ICC ရဲ့ အမြင်ကို ပြန်လည်တည်ဆောက်ဖို့ ကြိုးပမ်းနေသူလည်းဖြစ်ပါတယ်။
