ကွန်ဂိုဒီမိုကရက်တစ်သမ္မတနိုင်ငံအရှေ့ပိုင်းမှာ အကျဉ်းထောင်ဖောက်ပြေးမှု ဖြစ်စဉ်အတွင်း အကျဉ်းသူ(၁၅၀) ကျော် မုဒိမ်းကျင့်ပြီး မီးရှို့အသတ်ခံရမှု ဖြစ်ပွားခဲ့ပါတယ်။ ဂိုမာမြို အကျဉ်းထောင်မှာ အကျဉ်းသားတွေ ထောင် ဖောက်ပြေးတဲ့ဖြစ်စဉ်မှာ အကျဉ်းသူတွေ အခုလို အနိဋ္ဌာရုံနဲ့ ကြုံတွေခဲ့ရတာပါ။
ကုလသမဂ္ဂ လူ့အခွင့်အရေးရုံး ပြောရေးဆိုခွင့်ရှိသူ ဆေ့(ဒ်) မက်ဂန်ဂိုက အကျဉ်းသူ(၁၆၅)ယောက်ဟာ ထောင် ဖောက်ပြေးတဲ့ အကျဉ်းသားတွေရဲ့ မုဒိမ်းကျင့် မီးရှို့သတ်တာကို ခံခဲ့ရတယ်လို ပြောဆိုကြောင်း CNN သတင်းမှာ ကြာသပတေးနေ့က ဖော်ပြလာပါတယ်။ အဲဒီလို မုဒိမ်းကျင့် မီးရှို့သတ်ခံရတဲ့ အကျဉ်းသူတွေထဲမှာ ၁၀ ယောက် လောက်ပဲ အသက်ရှင်တယ်လိုလည်း မက်ဂန်ဂိုက ပြောပါတယ်။
အဲဒီ ဂိုမာမြိုကို ထိန်းချုပ်ထားတဲ့ ကွန်ဂိုအစိုးရတပ်တွေကို M 23 သူပုန်ညွန့်ပေါင်းတပ်တွေက တိုက်ခိုက်ချိန် ဇန်နဝါရီ(၂၇) ရက်က အကျဉ်းထောင်ကနေ အကျဉ်းသား အစုလိုက်အပြုံလိုက် ထောင်ဖောက်ပြေးခဲ့ကြတာပါ။ အကျဉ်းသား (၄၀၀၀)လောက် အဲဒီနေ့မှာ ထောင်ကနေ ထွက်ပြေး လွတ်မြောက်ခဲ့ပြီး အကျဉ်းထောင် လုံခြုံရေးက ပစ်သတ်လို သေဆုံးခဲ့သူတွေလည်း ရှိခဲ့ပါတယ်။ လက်ရှိမှာ M 23 သူပုန်မဟာမိတ်တပ်တွေဟာ ဂိုမာမြိုကို ထိန်းချုပ်ထားနိုင်ပြီး လူသားချင်းစာနာထောက်ထားမှုအရ အစိုးရတပ်တွေနဲ့ အပစ်ရပ်စဲဖို တောင်းဆိုထား ပါတယ်။
