အမေရိကန်ကုန်စည်တချို့အပေါ်ချမှတ်ထားတဲ့ တရုတ်ရဲ့ သွင်းကုန်ခွန်စည်းကြပ်မှုဟာ တနင်္လာနေ့မှာ စတင် အသက်ဝင်ပြီ ဖြစ်ပါတယ်။
အမေရိကန်ပြည်ထောင်စုက တရုတ်ရဲ့ ကုန်စည်တွေအပေါ် အခွန်(၁၀)ရာခိုင်နှုန်း စည်းကြပ်မှု အသက်ဝင်တဲ့ ဖေဖော်ဝါရီ(၄)ရက်နေ့မှာပဲ တရုတ်နိုင်ငံဘက်ကလည်း အမေရိကန် ကုန်စည်တွေ အပေါ် တန်ပြန်အခွန်းစည်းကြပ်မယ်လို့ ကြေညာထားခဲ့တာပါ။
တနင်္ဂနွေနေ့မှာတော့ ထရမ့်က အမေရိကန်ပြည် ထဲကို ဝင်ရောက်တဲ့ သံမဏိနဲ့ အလူမီနီယမ် သွင်းကုန်တွေ အားလုံးအပေါ်မှာ အခွန်(၂၅)ရာခိုင်နှုန်း စည်းကြပ် မယ်လို့ ထပ်မံကြေညာခဲ့ပါတယ်။
သမ္မတထရမ့်က တခြား နိုင်ငံတွေအပေါ်မှာလည်း သွင်းကုန်ခွန်စည်းကြပ်မှုတွေ လုပ်ဖို့ ဆက်လက် စီစဉ်နေကြောင်းလည်း တနင်္ဂနွေနေ့ သတင်းစာရှင်းလင်းပွဲမှာ ပြောသွားခဲ့ပါတယ်။
ဒါပေမဲ့ ဘယ်နိုင်ငံတွေရဲ့ သွင်းကုန်တွေလဲဆိုတာကိုတော့ အသေးစိတ်ရှင်းလင်းသွားခဲ့တာမျိုး မရှိပါဘူး။
