အခုသီတင်းပတ်အတွင်း Meta Platforms ဟာ ကမ္ဘာတစ်ဝန်းမှာရှိတဲ့ ကုမ္ပဏီဝန်ထမ်းတွေ လျှော့ချဖို့ စီစဉ်နေ ကြာင်း Reuters သတင်းမှာ ဖော်ပြထားပါတယ်။ ဝန်ထမ်းတွေလျှော့ချပြီး စက်မှုအင်ဂျင်နီယာတွေ ပိုမိုခန့်အပ် သွားမှာဖြစ်တယ်လို့ ကုမ္ပဏီ အမှုဆောင်အရာရှိချုပ်က ပြောပါတယ်။
အမေရိကန်ပြည်ထောင်စု အပါအဝင် အခြား နိုင်ငံအများစုမှာရှိတဲ့ ကုမ္ပဏီဝန်ထမ်းတွေကို လျှော့ချသွားမှာဖြစ်တယ်လို့ သတိပေးထုတ်ပြန်ထားတာပါ။ ဂျာမနီ၊ ပြင်သစ်၊ အီတလီနဲ့ နယ်သာလန်ရှိ အလုပ်သမားတွေက ချမှတ်ထားတဲ့ စည်းမျဉ်းတွေ ကင်းလွတ်တာကြောင့် လျှော့ချမယ့် အထဲမှာ မပါပေမယ့် ဥရောပ၊ အာရှနဲ့ အာဖရိကတစ်ဝန်းရှိ ဝန်ထမ်းတွေကတော့ လျှော့ချမယ့် အထဲမှာ ပါဝင်မှာဖြစ်တယ်လို့ ဆိုပါတယ်။
အဲဒီလုပ်ငန်းစဉ်ကို လာမယ့် ဖေဖော်ဝါရီ ၁၁ ရက်ကနေ မတ်လ ၁၃ ရက်အတွင်း အပြီးသတ် လုပ်ဆောင်မှာဖြစ်ကြောင်း ကုမ္ပဏီ ပြောရေးဆိုခွင့်ရှိသူတစ်ယောက်က ပြောကြားထား ပါတယ်။ စွမ်းဆောင်ရည်ပိုင်း၊ အားထုတ်မှုပိုင်းအားနည်းတဲ့ ဝန်ထမ်းတွေကို အလုပ်က ထုတ်ပယ်သွားမှာဖြစ်ပြီး အဲဒီလူတွေနေရာမှာ အားထုတ်မှုပိုင်းဆိုင်ရာ မြင့်မားတဲ့ အခြားအလုပ်သင် အင်ဂျင်နီယာတွေကို ဦးစားပေးခေါ် ယူသွားမှာ ဖြစ်တယ်လို့ သိရပါတယ်။
