ဇယ်လန်စကီးနှင့် မျက်နှာချင်းဆိုင်တွေ့ရန် ပူတင် ငြင်းဆို

တူကီယဲလ်နိုင်ငံ အစ္စတန်ဘူလ်မှာပြုလုပ်မယ့် ဆွေးနွေးပွဲကို ရုရှားသမ္မတ တက်ရောက်မှာ မဟုတ်ကြောင်း ထုတ်ပြန်ပြောကြားလာတာကို Reuters သတင်းမှာ ဖော်ပြထားပါတယ်။ ရုရှားသမ္မတ ဗလာဒီမာပူတင်က ယူကရိန်းသမ္မတ ဇယ်လန်းစကီးနဲ့ မျက်နှာချင်းဆိုင်တွေ့ဆုံဖို့ စိန်ခေါ်မှုကို ငြင်းဆန်ခဲ့ပြီး ငြိမ်းချမ်းရေး ဆွေးနွေးပွဲအတွက် ဒုတိယအဆင့် ကိုယ်စားလှယ်အဖွဲ့ကိုသာ စေလွှတ်သွားမှာဖြစ်ကြောင်း ပြောကြားလာ ခဲ့တာပါ။

သမ္မတပူတင်ရဲ့ တွေ့ဆုံဖို့ ငြင်းဆိုမှုနဲ့ပတ်သက်လို့ ဒါဟာ စစ်ပွဲကိုအဆုံးသတ်ဖို့ အလေးအနက် မထားကြောင်း ပြသနေတယ်လို့ ဇယ်လန်စကီးက ပြောကြားခဲ့ပါတယ်။အဲဒီဆွေးနွေးပွဲဟာ ၂၀၂၂ ခုနှစ်နောက်ပိုင်း နှစ်ဖက်အကြား ပထမဆုံး တိုက်ရိုက်တွေ့ဆုံဆွေးနွေးမှု ဖြစ်လာမယ်လို့ မျှော်မှန်းထားပေမယ့် ရုရှားသမ္မတပူတင်ရဲ့ပျက်ကွက်မှုကြောင့် ကြီးမားတဲ့အောင်မြင်မှုရရှိဖို့ မျှော်မှန်းချက်က ပျက်သုန်းတော့မှာဖြစ်တယ်လို့ လေ့လာသူတွေက ခန့်မှန်းထားကြပါတယ်။အမေရိကန်သမ္မတ ဒေါ်နယ်ထရမ့်ကလည်း မော်စကိုနဲ့ ကိယက်ဗ်တို့ သုံးနှစ်အတွင်း ပထမဆုံးသော ငြိမ်းချမ်းရေး ဆွေးနွေးပွဲကို တက်ရောက်မှာမဟုတ်ဘူးလို့ ပြောကြားခဲ့ပါတယ်။