ဆော်ဒီ၌ ယူကရိန်းနှင့်ကန်သံတမန်များ တွေ့ဆုံဆွေးနွေး

မတ်လ ၂၃ ရက်နေက ယူကရိန်း-ရုရှားစစ်ပွဲ အပစ်ရပ်အဆုံးသတ်ရေးအတွက် ဆော်ဒီအာရေးဗီးယားမှာ ယူကရိန်း နဲ့ အမေရိကန်သံတမန်တွေ တွေ့ဆုံဆွေးနွေးခဲ့တယ်လို Reuters သတင်းမှာ ဖော်ပြထားပါတယ်။ အဲဒီဆွေးနွေးပွဲ ကနေ စစ်ပွဲ အဆုံးသတ်ရေးအတွက် ရလဒ်ထွက်ပေါ်လာဖို အမေရိကန်ဘက်က မျှော်လင့်နေပါတယ်။

ဆွေးနွေးပွဲကို ယူကရိန်း ကာကွယ်ရေးဝန်ကြီးက ဦးဆောင်ခဲ့ပြီး ဆွေးနွေးပွဲ ရည်ရွယ်ချက်ကတော့ “ တရားမျှတပြီး ငြိမ်းချမ်းရေးကို လိုလားတဲ့အပြင် လုံခြုံရေးကို ပိုမို ခိုင်မာအားကောင်းလာစေဖို မျှော်မှန်းထားတာပါ။ ဒါ့အပြင် စွမ်းအင်ဆိုင်ရာ အဆောက်အအုံတွေနဲ့ အရေးပါတဲ့ အခြေခံအဆောက်အအုံတွေကို ကာကွယ်ဖိုအတွက် ယူကရိန်းနဲ့ အမေရိကန် ကိုယ်စားလှယ်တွေက အဓိကထား ဆွေးနွေးခဲ့ကြတယ်လို ယူကရိန်း ကာကွယ်ရေး ဝန်ကြီးက ပြောပါတယ်။

မြိုတော် ကိယက်ဗ်ကို ရုရှားရဲ့ ဒရုန်းနဲ့ အကြီးစားတိုက်ခိုက်မှုကြောင့် အသက် ၅ နှစ်အရွယ် ကလေးတစ်ယောက် အပါအဝင် အနည်းဆုံး လူ ၃ ယောက် သေဆုံးခဲ့ပြီး မြိုတော်အနှံ အထပ်မြင့်တိုက်ခန်းတွေ မီးလောင် ပျက်စီး ခဲ့တယ်လို ယူကရိန်း အာဏာပိုင်တွေက ပြောပါတယ်။ အဲဒါကြောင့်လည်း နှစ်နိုင်ငံ အမြန်ဆုံးအပစ်ရပ်ရေးကို အကောင်အထည်ဖော်နိုင်ဖိုအတွက် ဆော်ဒီအာရေးဗီးယားမှာ ယူကရိန်းနဲ့ အမေရိကန်သံတမန်တွေ တွေ့ဆုံ ဆွေးနွေးခဲ့ကြတာဖြစ်ပါတယ်။