ဂါဇာကမ်းမြောင်ဒေသမှာ တစ်နှစ်ကျော်ကြာအောင် ဓားစာခံအဖြစ် ဖမ်းဆီးထိန်းသိမ်းခံခဲ့ရတဲ့ ထိုင်းလယ်သမား တွေဟာ ပြီးခဲ့တဲ့ ဖေဖော်ဝါရီလ ၉ ရက်က ဘန်ကောက်မြို့ကို ပြန်ရောက်လာခဲ့တယ်လို့ Bangkok Post သတင်း မှာ ရေးသားထားပါတယ်။ အဲဒီထိုင်းနိုင်ငံသား ဓားစာခံ ၅ ယောက်ကို ဟားမာ့စ်အဖွဲ့က ပြီးခဲ့တဲ့ဇန်နဝါရီ ၃၀ ရက် က လွှတ်ပေးခဲ့တာဖြစ်ပြီး ဖေဖော်ဝါရီလ ၉ ရက်က ဘန်ကောက်မြို့ကို ပြန်လည်ရောက်ရှိလာတာဖြစ်ပါတယ်။
သူတို့ဟာ လေကြောင်းခရီးနဲ့ အစ္စရေးနိုင်ငံကနေ ထိုင်းနိုင်ငံ၊ ဘန်ကောက်မြို့ရှိ သုဝဏ္ဏဘူမိလေဆိပ်ကို ဆိုက် ရောက်လာခဲ့တာဖြစ်ပြီး လေဆိပ်ဧည့်ခန်းမဆောင်မှာ မိသားစုတွေနဲ့ပျော်ရွှင်စွာတွေ့ဆုံခဲ့ကြပါတယ်။
ဂါဇာကမ်းမြောင်စစ်ပွဲကို အဆုံးသတ်စေဖို့ ရည်ရွယ်ထားတဲ့ အပစ်အခတ်ရပ်စဲရေးသဘောတူညီစာချုပ်ရဲ့ တစ်စိတ်တစ်ပိုင်းအဖြစ် ဟားမာ့စ်တို့လက်ကနေ လွတ်လာသူတွေကို သူတို့ရဲ့မိဘဆွေမျိုးတွေ၊ ထိုင်းနိုင်ငံခြား ရေးဝန်ကြီးဌာနက တာဝန်ရှိသူတွေက ဆီးကြိုနှုတ်ဆက်ခဲ့ကြပါတယ်။
၂၀၂၃ ခုနှစ် အောက်တိုဘာလ ၇ ရက်က ပါလက်စတိုင်းလက်နက်ကိုင်အဖွဲ့ဖြစ်တဲ့ ဟားမာ့စ်တွေဟာ အစ္စရေး ဘက်ခြမ်းကို အလစ် ဝင်တိုက်ခဲ့ကြပြီး ဖမ်းဆီးသွားတဲ့ဓားစာခံတွေထဲမှာ ထိုင်းနိုင်ငံသား ၃၁ ယောက်လည်း ပါဝင်သွားခဲ့တာဖြစ်ပါတယ်။
