ပါလက်စတိုင်း ရာနဲ့ချီ သေဆုံးစေခဲ့တဲ့ လေကြောင်းတိုက်ခိုက်မှုတွေအပြီးမှာ အစ္စရေးက ဂါဇာကမ်းမြောင်ကို မြေပြင်ထိုးစစ်တွေ ပြန်လည်ပြုလုပ်နေပြီ ဖြစ်ပါတယ်။ အစ္စရေးနဲ့ ဟားမာ့စ်အကြား နှစ်လကြာမြင့်ခဲ့တဲ့ အပစ် အခတ်ရပ်စဲရေး ပျက်ပြားပြီးနောက် အစ္စရေးက ပထမဆုံးအကြိမ်အဖြစ် မြေပြင်ထိုးစစ် ပြန်စတင်လာတာပါ။
အစ္စရေးဟာ ပြီးခဲ့တဲ့ မတ်လ ၁၈ ရက် မနက်အစောပိုင်းက ဂါဇာကမ်းမြောင်ကို လေကြောင်းတိုက်ခိုက်မှုတွေ အများအပြားပြုလုပ်ခဲ့ပြီး မတ်လ ၁၉ ရက်မှာတော့ မြေပြင်ထိုးစစ် ပြန်စတင်ခဲ့တယ်လို အစ္စရေးကာကွယ်ရေး တပ်ဖွဲ (IDF)က ပြောပါတယ်။ အစ္စရေးတပ်ဖွဲတွေက ဂါဇာကမ်းမြောင် အလယ်ပိုင်းနဲ့ တောင်ပိုင်းမှာ စစ်ဆင်ရေး စတင်ခဲ့တာဖြစ်ပြီး လုံခြုံရေးဇုန် ကို ချဲ့ထွင်ဖို ဆောင်ရွက်နေတာပါ။လက်ရှိမှာ အစ္စရေးတပ်တွေက ဂါဇာမြောက်ပိုင်းနဲ့ တောင်ပိုင်းကို ပိုင်းခြားထားတဲ့ ဗျူဟာမြောက် ဧရိယာဖြစ်တဲ့ နေဇာရိမ်စင်္ကြံအထိ တိုးချဲ့နေရာယူထားတာဖြစ်ပါတယ်။ ပြီးခဲ့တဲ့ မတ်လ ၁၈ ရက်ကစတင်ခဲ့တဲ့ အစ္စရေးရဲ့ တိုက်ခိုက်မှုတွေကြောင့် နှစ်ရက်အတွင်းမှာ ပါလက်စတိုင်း ၄၃၀ ကျော် သေဆုံးခဲ့တယ်လို ဂါဇာကျန်းမာရေး အာဏာပိုင်တွေက ပြောပါတယ်။ ဒါ့အပြင် အစ္စရေးက လူသားချင်းစာနာမှုဆိုင်ရာ အကူအညီတွေကို ၃ ပတ်ကြာ ပိတ်ဆိုထားတဲ့အတွက် ဂါဇာဒေသခံတွေ အငတ်ဘေးနဲ့ ရင်ဆိုင်နေရတယ်လို ဂါဇာအရပ်ဘက်ကာကွယ်ရေးအဖွဲ ပြောရေးဆိုခွင့်ရှိသူက ပြောပါတယ်။
ကုလသမဂ္ဂကလည်း မတ်လ ၁၉ ရက်မှာ ဂါဇာအလယ်ပိုင်းက ကုလသမဂ္ဂဝန်ထမ်းတွေရှိတဲ့ ဧည့်ရိပ်သာမှာ ပေါက် ကွဲမှုတစ်ခုဖြစ်ခဲ့ပြီး ကုလဝန်ထမ်းတစ်ယောက် သေဆုံးခဲ့တယ်လို ပြောထားပါတယ်။ ဒီတိုက်ခိုက်မှုနဲ့ ပတ်သက်လို ဟားမာ့စ်အဖွဲက အစ္စရေးဟာ အပစ်အခတ်ရပ်စဲရေး သဘောတူညီချက်ကို ဖောက်ဖျက်ပြီး ဖမ်းဆီးခံ သုံပန်းတွေ ကိုလည်း အန္တရာယ်ကျရောက်စေတယ်လို ပြစ်တင်ဝေဖန်ထားပါတယ်။ အစ္စရေးဘက်ကတော့ ဟားမာ့စ်ဟာ ဓားစာခံတွေကို လွှတ်ပေးဖိုအတွက် အကြိမ်ကြိမ် ငြင်းဆိုခဲ့ပြီး ကမ်းလှမ်းချက်အားလုံးကို ပယ်ချခဲ့တဲ့အတွက် အခုလို တိုက်ခိုက်တာလို ပြောဆိုပါတယ်။
