ခိုးယူခံထားရတဲ့ မင်းသားကြီး Keanu Reeves ပိုင်ဆိုင်တဲ့ အမေရိကန်ဒေါ်လာ ၉၀၀၀ တန်ဖိုးရှိ Rolex နာရီ ကို မသမာသူတွေဆီကနေပြန်လည်တွေ့ရှိခဲ့ကြောင်း ချီလီအာဏာပိုင်တွေကပြောပါတယ်။
ပြီးခဲ့တဲ့ ၂၀၂၃ ခုနှစ်အတွင်းက မင်းသားကြီး ပိုင်ဆိုင်တဲ့ တန်ဖိုးကြီး နာရီ ၃ လုံးဟာ လော့စ်အိန်ဂျလိစ် ရှိ နေအိမ်မှာပျောက်ဆုံးခဲ့တာဖြစ်ပါတယ်။ ချီလီအာဏာပိုင်တွေက သံယသရှိတဲ့ နေအိမ် ၄ လုံးကို ဝင်ရောက်စီးနင်းမှုအတွင်း လက်ဝတ်ရတနာတွေနဲ့ တန်ဖိုးကြီးနာရီတွေကို ပြန်လည်ရှာဖွေတွေ့ရှိခဲ့တာဖြစ်ပါတယ်။
လက်ရှိမှာ ချီလီအာဏာပိုင်တွေက အမှုနဲ့ ပတ်သက်တဲ့သံသယရှိသူတွေကို စုံစမ်းစစ်ဆေးမှုတွေပြုလုပ်နေပြီး အမှုမှန်ပေါ်ပေါက်ရေးအတွက် အမေရိကန်အရာရှိတွေနဲ့ ပူးပေါင်းဆောင်ရွက်နေတာ လည်း ဖြစ်ပါတယ်။
မင်းသားကြီးနေအိမ် အတွင်းမှာ လုယက်မှု အကြိမ်ပေါင်းများစွာ ခံခဲ့ရပြီး ၂၀၁၄ ခုနှစ်က နေအိမ်မှာ သုံးရက်အတွင်း နှစ်ကြိမ် တိတိ ကျူးကျော်ဝင်ရော က် ခံခဲ့ရတယ်လို့ သိရပါတယ်။
