ဘရာဇီးသမ္မတ လူလာ ဒါဆေးလ်ဗားက ဗင်နီဇွဲလားပြည်သူတွေရဲ့ အချုပ်အခြာအာဏာကို လေးစားမှုက ရွေးကောက်ပွဲရလဒ်တွေ ပွင့်လင်းမြင်သာဖို့နဲ့ ဒေသတွင်းခေါင်းဆောင်တွေရဲ့ တောင်းဆိုမှုကို တွန်းအားဖြစ်စေတယ်လို့ သြဂုတ် ၅ ရက်က ပြောဆိုလိုက်ပါတယ်။
အတိုက်အခံ ကိုယ်စားလှယ်လောင်း အက်မွန်ဒို ဂွန်ဇာလက်က သူ့ကိုယ်ပိုင်ရေတွက်မှုအရ မဲ ၆၇ ရာခိုင်နှုန်း အနိုင်ရဖွယ်ရှိတယ်လို့ ပြောဆိုပါတယ်။
ရွေးကောက်ပွဲအာဏာပိုင်က သမ္မတ နီကိုလပ်စ်မာဒူရို အနိုင်ရကြောင်း ကြေညာပြီးနောက် ရေနံထုတ်လုပ်တဲ့ ဗင်နီဇွဲလားရဲ့အခြေအနေက ဒေသတွင်း အာရုံစိုက်စရာ ဖြစ်လာခဲ့ပါတယ်။
ဘရာဇီးသမ္မတ လူလာက ချီလီနိုင်ငံကို တရားဝင်ခရီးစဉ်အဖြစ် သွားရောက်စဉ် သတင်းထောက်တွေကို စကားပြောရာမှာ ဗင်နီဇွဲလား နိုင်ငံရေးအခြေအနေတွေနဲ့ ပတ်သက်လို့ ကိုလံဘီယာနဲ့ မက္ကဆီကိုက လုပ်ဖော်ကိုင်ဖက်တွေနဲ့ ပူးပေါင်းလုပ်ဆောင်မှုတွေအကြောင်းကို ချီလီသမ္မတ ဂါဘရီယယ် ဘောရစ်နဲ့ ဆွေးနွေးခဲ့တယ်လို့ ပြောဆိုခဲ့ပါတယ်။
ဗင်နီဇွဲလားမှာ အငြင်းပွားနေတဲ့ ရွေးကောက်ပွဲ ရလဒ်အပေါ် ကန့်ကွက်မှုတွေမှာ ထောင်နဲ့ချီတဲ့လူတွေ ပါဝင်ခဲ့ကြပါတယ်။ မာဒူရို အစိုးရက အဲဒီကန့်ကွက်မှုတွေ ကို အမေရိကန် ဦးဆောင်တဲ့ အာဏာသိမ်းဖို့ ကြိုးပမ်းမှုရဲ့ တစ်စိတ်တစ်ပိုင်းလို့ စွပ်စွဲထားပါတယ်။
