ရခိုင်ပြည်နယ်၊ကျောက်တော်မြို့နယ်က ကျောက်ကပ်ဝေဒနာပြင်းထန်စွာခံစားနေရတဲ့ အသက်(၆)နှစ်အရွယ် ကလေးငယ်ဟာ လက်ရှိမှာ ဆေးကုသစရိတ်အတွက် အလှူငွေတွေ ရရှိလာတာကြောင် အိန္ဒိယနိုင်ငံကို သွား ရောက်ပြီး ကျောက်ကပ်အစားထိုး ကုသနိုင်ဖို့ စီစဉ်ဆောင်ရွက်နေတယ်လို့ ကလေးရဲ့မိခင်ဖြစ်သူ ဒေါ်သက်ဖူးလွင် က ပြောပါတယ်။
အဲဒီကလေးငယ်ဟာ လက်ရှိမှာ ရန်ကုန်မြို့ရှိ ရန်ကင်းကလေးဆေးရုံမှာ ဆေးဝါးကုသမှု ခံယူနေရပြီး အရင်က ဆေးကုသဖို့အတွက် ငွေကြေးအခက်ခဲ ဖြစ်ပေါ်ခဲ့ရတာပါ။ အခုလက်ရှိမှာတော့ အလှူရှင်တွေရဲ့ ဝိုင်းဝန်းလှူဒါန်းမှု နဲ့ အိန္ဒိယမှာ ကျောက်ကပ်အစားထိုးကုသနိုင်ဖို့ စီစဉ်နေတာ ဖြစ်တယ်လို့ သိရပါတယ်။ကလေးငယ် ဆေးကုသနိုင်ဖို့ အရင်ကအလှူရှင်တွေရဲ့လှူဒါန်းမှုတွေရှိခဲ့သလို လက်ရှိမှာလည်း ရန်ကုန်အလို တော်ပြည့်ကျောင်းတိုကဆရာတော် အသျှင်ကုမာရဦးဆောင်ပြီး ပြည်တွင်း/ပြည်ပအလှူရှင်တွေရဲ့ ပူးပေါင်းလှူ ဒါန်းငွေတွေလည်း ထပ်မံရရှိခဲ့တယ်လို့ သိရပါတယ်။
ကျောက်ကပ်ဝေဒနာရှင်ကလေးရဲ့မိခင်ထံ အလှူငွေတွေပေးအပ်ပွဲကိုလည်း မတ်လ(၂၀)ရက် ညနေပိုင်းက ရန်ကုန်မြို့၊ တာမွေမြို့နယ်ရှိ အလိုတော်ပြည့်ကျောင်းတိုက်မှာ ပြုလုပ်ခဲ့တာပါ။ အလိုတော်ပြည့်ကျောင်းမှာ ပြုလုပ်တဲ့ အဲဒီလှူဒါန်းပွဲမှာ မလေးရှားနိုင်ငံရောက် ရခိုင်ပြည်နယ် (၁၇)မြို့နယ် မျိုးသျှစ်လူငယ်များပရဟိအသင်းက ကျပ်သိန်း(၅၆၀)၊ ထိုင်းနိုင်ငံရောက် ရိုးမရင်ခွင်ပရဟိတအသင်းက ကျပ်သိန်း (၂၁၀)၊ ကိုရဲဝင်းနဲ့အလှူရှင်တွေက(၂၀၆)သိန်းကျော် လှူဒါန်းခဲ့ကြတာဖြစ်ပြီး ဆရာတော်အသျှင်ကုမာရနဲ့ အလှူရှင်တွေက ကလေးမိခင်ထံကို တိုက်ရိုက်ပေးအပ်လှူဒါန်းခဲ့တယ်လို့ သိရပါတယ်။
