ရန်ကုန်တိုင်းဒေသကြီးအတွင်းရှိ မြို့နယ်တချို့မှာ ဇူလိုင် ၂၄ ရက်၊ မနက်ပိုင်းက မိုးသည်းထန်စွာရွာပြီး လေပြင်း တိုက်ခတ်မှုကြောင့် သစ်ပင်တွေပြိုလဲကာ ယာဉ်အချို့ ပျက်စီးခဲ့တယ်လို့ မြန်မာနိုင်ငံမီးသတ်တပ်ဖွဲ့ကနေ သိရ ပါ တယ်၊၊မှော်ဘီ၊ ဒေါပုံ၊ ဒလ၊ မင်္ဂလာဒုံ၊ ရန်ကင်း၊ သာကေတ၊ ဒဂုံမြို့သစ် (ဆိပ်ကမ်း) နဲ့ သန်လျင် စတဲ့ မြို့နယ်တွေမှာ လေပြင်းတိုက်ခတ်တာကြောင့် သစ်ပင်တွေ ပြိုလဲပြီး လူ နဲ့ တိရစ္ဆာန်တွေ ထိခိုက်မှု မရှိဘူးလို့ သိရပါတယ်၊၊
အလားတူ ရန်ကုန်မြို့၊ ဗိုလ်တထောင်မြို့နယ် စည်ပင်ဝန်းမှာလည်း လေပြင်းတိုက်ခတ်မှုကြောင့် ကွန်တိန်နာယာဉ် အချို့ ပျက်စီးပြီး ကွန်တိန်နာ ဘောက်စ်တွေလည်း ပြုတ်ကျမှု ဖြစ်ပွားခဲ့တယ်လို့ ဗိုလ်တထောင် မြို့နယ်မှာ နေထိုင် သူတွေက ပြောပါတယ်။သစ်ပင်ပြိုလဲတဲ့ နေရာတွေမှာတော့ မီးသတ်တပ်ဖွဲ့ဝင်တွေ၊ မီးငြှိမ်းသတ်ယာဉ်တွေနဲ့ သန္ဓေ မီးသတ် တပ်ဖွဲ့ဝင် တွေက ရှင်းလင်းဆောင်ရွက်ပေးပြီး လိုအပ်တာတွေကိုလည်း ကူညီပေးခဲ့တယ်လို့ သိရပါတယ်။
မိုးလေဝသ နှင့် ဇလဗေဒညွှန်ကြားမှု ဦးစီးဌာနက ဇူလိုင် ၂၄ ရက်၊ မနက် ၁၁ နာရီအချိန် ထုတ်ပြန်ချက်အရ လေဖိ အားနည်း ရပ်ဝန်းအရှိန် နဲ့ ကပ္ပလီပင်လယ်ပြင် နဲ့ ဘင်္ဂလားပင်လယ်အော်မှာ မုတ်သုံလေ အားကောင်းရာမှ အား အလွန်ကောင်းနေတာကြောင့် ဇူလိုင် ၂၄ ရက်၊ မနက်ပိုင်းကနေ ဇူလိုင် ၂၈ ရက်အတွင်း နေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်း၊ ဧရာဝတီတိုင်း၊ တနင်္သာရီတိုင်းဒေသကြီးတွေ နဲ့ ကချင်၊ ကရင်၊ ချင်း၊ မွန် နဲ့ ရခိုင်ပြည်နယ်တွေမှာ နေရာစိပ်စိပ်ကနေ နေရာအနှံ့အပြား မိုးထစ်ချုန်းရွာပြီး ဒေသအလိုက် နဲ့ နေရာကွက်ပြီး မိုးကြီးနိုင်တယ်လို့ ထုတ်ပြန်ထားပါတယ်။
