စားသုံးသူတွေကို နှလုံးကျန်းမားရေးကောင်မွန်ပြီး အာဟာရဓာတ်အပြည့်အဝ ပေးဆောင်နိုင်မယ့် ဆန်မျိုးကွဲသစ် တစ်မျိုးကို တရုတ်သိပ္ပံပညာရှင်တွေက အောင်မြင်စွာတီထွင်ဖန်တီးနိုင်ခဲ့ကြောင်း China Daily သတင်းမှာ ရေးသားထားပါတယ်။ အဲဒီ ဆန်မျိုးကွဲသစ်ကနေ ကိုအင်ဇိုင်း CoQ10 (ကိုးလ်တန်း)ကို ထုတ်လုပ်နိုင်မှာဖြစ်ပြီး CoQ10 ဆိုတာက ခန္ဓာကိုယ်ကနေ သဘာဝအတိုင်း ထုတ်လုပ်ပေးတဲ့ ဓာတ်တိုးဆန့်ကျင်ပစ္စည်းဖြစ်ကာ အထူး သဖြင့် နှလုံးကျန်းမာရေးအတွက် မရှိမဖြစ် လိုအပ်တဲ့အရာလို့ ဆိုပါတယ်။
ဆန်၊ ဟင်းသီးဟင်းရွက်နဲ့ သစ်သီး ဝလံတွေလို ကောက်ပဲသီးနှံတွေမှာတော့ CoQ9 ကို အဓိကအားဖြင့် ပေါင်းစပ်ထားတာ ဖြစ်ပါတယ်။ သုတေသီ တွေရဲ့ လေ့လာမှုအရ Coq1 အင်ဇိုင်းရဲ့ အဓိက အမိုင်နိုအက်ဆစ်ငါးမျိုးကို ပြုပြင်ဖို့အတွက် မျိုးဗီဇကို အသုံးပြု ကာ CoQ10 ပေါင်းစပ်နိုင်စွမ်းရှိတဲ့ ဆန်မျိုးကွဲအသစ်တွေကို ဖန်တီးနေကြတာဖြစ်ပါတယ်။လူတွေက ဒီ CoQ10 ဆန်ကို နေ့စဉ်စားရင် တစ်နေ့ကို CoQ10 ၁ မီလီဂရမ်လောက် ဖြည့်တင်းပေးနိုင်ပါတယ်။ အသားကတော့ တစ်နေ့ကို CoQ10 ၂ ကနေ ၃ မီလီဂရမ်လောက် ဖြည့်တင်းပေးနိုင်တာပါ။
ဒါကြောင့် အခု အသစ် တီထွင်ထားတဲ့ ဆန်မှာ CoQ10 ပါဝင်မှုက နေ့စဉ်အစားအစာအတွက် ထိရောက်တဲ့ အာဟာရဖြည့်စွက်စာအဖြစ် စွမ်းဆောင်ပေးနိုင်တာကို တွေ့ရပါတယ်။စပါးမျိုးစိတ်သစ်တွေ ဖန်တီးတဲ့ အောင်မြင်မှုက CoQ10 လို အခြားသော ဇီဝဗေဒဆိုင်ရာ သုတေသနပြုမှုဆိုင်ရာ ချဉ်းကပ်မှုကိုလည်း ပံ့ပိုးပေးနိုင်တာတွေ့ရတယ်လို့ သုတေသီတွေက ခန့်မှန်းသုံးသပ်ထားကြပါတယ်။
