ဇီဝိတဒါနသံဃာ့ဆေးရုံကြီး(ရန်ကုန်)ရဲ့ စုပေါင်းသွေးလှုဒါန်းပွဲကို ဇန်နဝါရီလ၂၅ ရက်က ဗဟန်းမြို့နယ်မှာရှိတဲ့ ဇီဝိတဒါနသံဃာ့ဆေးရုံကြီးမှာ ကျင်းပပြုလုပ်ခဲ့ပါတယ်။အဲဒီဆေးရုံကြီးမှာ စုပေါင်းသွေးလှူဒါန်းမှုကို ပြုလုပ်လာတာဟာ အခုဆိုရင်၂၃ ကြိမ်အထိ ရောက်ရှိခဲ့ပြီဖြစ်ပါတယ်။
စုပေါင်းသွေးလှုဒါန်းပွဲကိုပြုလုပ်ရတာက အမျိုးသားသွေးလှူဘဏ်မှာ သွေးလှုရှင်တွေ နည်းပါးလာတယ်လို့သိရတဲ့အတွက် တစ်ဖက်တစ်လမ်းက အထောက်အကူဖြစ်စေဖို့ ရည်ရွယ်ပြီး ကျင်းပရတာဖြစ်တယ်လို့ ဆေးရုံ အုပ်ချုပ်ရေးအဖွဲ့၊ ဥက္ကဋ္ဌ ဦးအေးမောင်သန်းက ပြောပါတယ်။သွေးလှူဒါန်းပွဲအခမ်းအနားမှာ ဆေးရုံအုပ်ချုပ်ရေးအဖွဲ့၊ဥက္ကဋ္ဌ ဦးအေးမောင်သန်းက သွေးလှုရှင်တွေကို ကြိုဆိုနှုတ်ခွန်းဆက်စကား ပြောကြားပြီးအမျိုးသားသွေးဌာန၊ ဒုတိယညွှန်ကြားရေးမှူးဒေါက်တာ ဒေါ်သန္တာက သွေးလှူဒါန်းရခြင်းအကြောင်းရှင်းလင်းပြောကြားခဲ့ပါတယ်။
အဲဒီနောက် ဆေးရုံအုပ်ချုပ်ရေးအဖွဲ့၊ အတွင်းရေးမှူး ဦးထွန်းဦးက သွေးလှူဒါန်းရမယ့် အစီအစဥ်တွေကိုရှင်းလင်း ပြောကြားခဲ့ပါတယ်။ဇီဝိတသံဃာ့ဆေးရုံကြီးရဲ့စုပေါင်းသွေးလှူဒါန်းပွဲမှာရဟန်း၊ သီလရှင်အပါး နဲ့ လူပုဂ္ဂိုလ် စုစုပေါင်း တစ်ရာကျော်ခန့်က သွေးလှူဒါန်းခဲ့ကြတာဖြစ်တယ်လို့ သိရပါတယ်။ရန်ကုန်မြို့မှာရှိတဲ့ ဇီဝိတဒါနသံဃာ့ဆေးရုံကြီးမှာရဟန်း၊သီလရှင်တွေကို ကုသပေးနေတဲ့အပြင် လူပုဂ္ဂိုလ်တွေကိုလည်း ဆေးကုသမှုပေးနေတယ်လို့ သိရပါတယ်။
