သရုပ်ဆောင်စည်ဖြိုးမိသားစု စတုဒိသာ ၇ ရက်လှူဒါန်းနေ

သရုပ်ဆောင်စည်ဖြိုးမိသားစုဟာ ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်မှာ မတ်လ(၁၅)ရက်ကနေ (၂၁)ရက်အထိ (၇)ရက်တိုင်တိုင် လူဦးရေ(၂၀၀၀)ကျော်ကို စတုဒိသာထမင်း၊ ဟင်းလျာတွေနဲ့ အအေးတွေ ကျွေးမွေးလှူဒါန်းပေးနေတယ်လို့ သိရပါတယ်။

စတုဒိသာတွေကို ကျွေးမွေးလှူဒါန်းရာမှာ လူဦးရေကန့်သတ်ထားတာမျိုးမရှိဘဲ ဘယ်သူမဆို လာရောက်စားသုံး လို့ရအောင် စီစဉ်ပေးထားပြီး လာရောက်စားသုံးသူတွေကလည်း နေ့စဉ်လူဦးရေ(၂၀၀၀)ကျော်ကနေ (၃၀၀၀) လောက်အထိ ရှိနေတယ်လို့ သရုပ်ဆောင်စည်ဖြိုးက one news ကို ပြောပါတယ်။မတ်လ(၁၉)ရက် ညနေပိုင်းက စတုဒိသာကျွေးမွေးလှူဒါန်းချိန်မှာ သရုပ်ဆောင်စည်ဖြိုးရဲ့မိခင်ကြီး ဒေါ်သီသီဝင်း ရဲ့ မွေးနေ့အထိမ်းအမှတ်အနေနဲ့ အမှတ်တရမွေးနေ့ကိတ်လှီးတဲ့ အစီအစဉ်တွေလည်း ထည့်သွင်းကျင်းပခဲ့တယ် လို့ သိရပါတယ်။

စတုဒိသာကို(၅)ရက်လောက် ကျွေးမွေးလှူဒါန်းဖို့ စီစဉ်ခဲ့ပေမယ့် နောက်ထပ်နှစ်ရက်ထပ်တိုးပြီး (၇)ရက်ဆက် တိုက် လှူဒါန်းဖြစ်ခဲ့တယ်လို့ သရုပ်ဆောင်စည်ဖြိုးရဲ့မိခင်ကြီးဒေါ်သီသီဝင်းက ပြောပါတယ်။ကုန်ဈေးနှုန်းတွေ မြင့်တက်နေလို့ စားဝတ်နေရေးခက်ခဲနေချိန်မှာ အခုလို ကျွေးမွေးလှူဒါန်းပေးတာကြောင့် အလှူရှင် မိသားစုကို အထူးကျေးဇူးတင်မိတယ်လို့လည်း လာရောက်စားသုံးသူတွေက ပြောပါတယ်။သရုပ်ဆောင်စည်ဖြိုးတို့မိသားစုဟာ မကြာခဏ စတုဒိသာကျွေးမွေးလှူဒါန်းတာတွေ ပြုလုပ်နေသလို တခြားပရ ဟိတလှူဒါန်းမှုတွေကိုလည်း လုပ်ဆောင်နေတယ်လို့ သိရပါတယ်။