ထိုင်းနိုင်ငံ ဘန်ကောက်မြို့မှာကျင်းပမယ့် STYLE Bangkok 2025 ပြပွဲကြီးမှာ မြန်မာနိုင်ငံက ကုမ္ပဏီ အချို့လည်း ပါဝင်ပြသသွားမှာဖြစ်တယ်လို့ ပြပွဲကျင်းပရေးကော်မတီကနေ သိရပါတယ်။
အဲဒီပြပွဲကို ထိုင်းနိုင်ငံ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရှိ နိုင်ငံတကာကုန်သွယ်မှု မြှင့်တင်ရေးဦးစီးဌာနက စီစဉ်ကျင်းပတာဖြစ်ပြီး ထိုင်းနိုင်ငံကုန်သွယ်မှုဘုတ်အဖွဲ့နဲ့ ပူးပေါင်းထားတဲ့ ပွဲတစ်ခုလည်း ဖြစ်ပါတယ်။ မြန်မာနိုင်ငံအနေနဲ့ကတော့ မြန်မာနိုင်ငံရှိ ယွန်းထည်၊ ဝါးအနုပညာ၊ ဝါးဒီဇိုင် နဲ့ ဆောက်လုပ်ရေး၊ ချည်ထုတ်ကုန် အစရှိတာတွေကို ကုမ္ပဏီ(၄)ခုက ပြသသွားမှာ ဖြစ်တယ်လို့ သိရပါတယ်။
အဲဒီ STYLE Bangkok 2025 ပြပွဲကြီးမှာ ပြခန်းပေါင်း ၅၀၀ ကျော်နဲ့ ပရိဘောဂပစ္စည်းပေါင်း (၈၀၀)ကျော် ပါဝင်ပြသသွားမှာဖြစ်သလို ထိုင်းနိုင်ငံထုတ် ထူးခြားတဲ့ဒီဇိုင်းတွေပါ ပြသသွားမှာဖြစ်ပါတယ်။ပြပွဲကိုတော့ (၈)ကြိမ်မြောက်အဖြစ် ကျင်းပတာဖြစ်ပြီး ဧပြီလ(၂)ရက်ကနေ(၆)ရက်အထိ (၅)ရက်တိုင်တိုင် ကျင်းပသွားမှာဖြစ်တယ်လို့ သိရပါတယ်။
