ငလျင်ဘေးသင့်ဒေသတွေ ပြန်လည်ထူထောင်နိုင်ရေးအတွက် ရန်ပုံငွေဈေးရောင်းပွဲတော်ကို မကွေးမြို့မှာ ဇွန်လ ၁၇ ရက်က စတင်ပြီး ကျင်းပနေပါတယ်။ရန်ပုံငွေဈေးရောင်းပွဲတော်ကို မကွေးမြို့၊ မြသလွန်ဘုရားကွင်းမှာ ကျင်းပနေတာဖြစ်ပြီး ဇွန်လ၂၆ ရက်အထိ ၁၀ ရက်တိုင်တိုင် ကျင်းပသွားမှာပါ။
ဈေးရောင်းပွဲတော်မှာ အစားအသောက်နဲ့ လူသုံးကုန်ပစ္စည်းတွေရောင်းချတဲ့ ဈေးဆိုင်ခန်းတွေ၊ အပျော်တမ်း ကစားနည်းတွေနဲ့ စည်းကားသိုက်မြိုက်စွာ ကျင်းပနေတာဖြစ်တယ်လို့ ဈေးရောင်းပွဲတော်တာဝန်ခံ ဦးကိုကိုဦးက ပြောပါတယ်။ ဈေးရောင်းပွဲတော်မှာ စျေးဆိုင်ခန်းပေါင်း (၈၀) ခန့်ပါဝင်ပြီး ဆိုင်ခန်းငှားရမ်းခတွေကိုတော့ အပြင်တန်းမှာ တစ်ခန်းကို တစ်သိန်းနှစ်သောင်းကျပ်၊ အတွင်းဘက်တန်းမှာ တစ်ခန်းကို တစ်သိန်းကျပ် ကောက်ခံတယ်လို့ သိရပါတယ်။ငလျင်ဘေးသင့်ဒေသတွေ ပြန်လည်ထူနိုင်ရေးရန်ပုံငွေဈေးရောင်းပွဲတော်ကို မကွေးမြို့မှာ တတိယအကြိမ် ကျင်းပ တာဖြစ်ပြီး ချောက်မြို့နဲ့ရေနံချောင်းမြို့တွေမှာလည်း ကျင်းပခဲ့တယ်လို့ သိရပါတယ်။
