ငလျင်ကာလအလွန် တည်ဆောက်ပြုပြင်ရေးလုပ်ငန်းတွေအတွက် နည်းပညာဆိုင်ရာ ပြန်လည်သုံးသပ်တာနဲ့ အနာဂတ်မှာ ကြုံတွေ့လာနိုင်တဲ့ နည်းပညာဆိုင်ရာစိန်ခေါ်မှုတွေအတွက် ကြိုတင်ပြင်ဆင်ခြင်း နည်းပညာဆိုင်ရာ ဆွေးနွေးပွဲကို နေပြည်တော်ရှိ မင်္ဂလာသီရိဟိုတယ်မှာ ဇူလိုင် (၂၈)ရက်နဲ့ (၂၉)ရက် (၂)ရက်တိုင်းတိုင် ကျင်းပခဲ့ ပါတယ်။
ဆွေးနွေးပွဲကို ပြည်ထောင်စုအဆင့်ပုဂ္ဂိုလ်တွေ၊ ဒုတိယဝန်ကြီးတွေ၊ဝန်ကြီးဌာနဲ့ အသင်းအဖွဲ့တွေက ကိုယ်စား လှယ်တွေ၊တိုင်းဒေသကြီးနဲ့ပြည်နယ်တွေက စည်ပင်သာယာရေးအဖွဲ့ဝင်တွေ၊ နည်ပညာတက္ကသိုလ်တွေက ပါမောက္ခတွေ၊ ပြည်တွင်းပြည်ပ ပညာရှင်တွေ၊ စာတမ်းရှင်တွေနဲ့ ဖိတ်ကြားထားတဲ့ ဧည့်သည်တော်တွေ တက်ရောက်ခဲ့ကြတာပါ။ဆွေးနွေးပွဲ ဒုတိယနေ့မှာ အဆောက်အဦးတွေ ပြန်လည်ပြုပြင်အသုံးပြုရေးနဲ့ အသစ်တည်ဆောက်ရေး ကြီးကြပ်မှု ကော်မတီဥက္ကဋ္ဌ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ဒုတိယဝန်ကြီးချုပ်နှင့် ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး မောင်မောင်အေး တက်ရောက်ကာ အမှာစကားပြောကြားပါတယ်။ အဲဒီနောက် ပါဝင်ဆွေးနွေးတဲ့ နိုင်ငံခြားပညာရှင်တွေနဲ့ ဆွေးနွေးပွဲဖြစ်မြောက်အောင် အဓိကပံ့ပိုးပေးတဲ့ မြန်မာနိုင်ငံ ဆောက်လုပ်ရေးလုပ်ငန်းရှင်များအသင်းသုံးသင်းက တာဝန်ရှိသူတွေကို ဂုဏ်ပြုမှတ်တမ်းတွေ ပေးအပ်ခဲ့ပါတယ်။
ဆွေးနွေးပွဲမှာတော့ မြန်မာနိုင်ငံမှာ လှုပ်ခတ်ခဲ့တဲ့ ငလျင်ကြီးတွေနဲ့ အနာဂတ်မှာ ကြုံတွေ့နိုင်တဲ့ ငလျင်ကြီးတွေ အပေါ် လေ့လာသုံးသပ်ချက်၊ ငလျင်ဒဏ်ခံရတဲ့ အဆောက်အအုံတွေ ပြုပြင်ခြင်းဆိုင်ရာ နည်းစနစ်တွေ၊ ငလျင် ဘေးအန္တရာယ်တွေက ရရှိတဲ့ စိန်ခေါ်မှုတွေနဲ့ သင်ခန်းစာတွေ၊ သဘာဝဘေးဒဏ်ခံနိုင်တဲ့ အခြေခံ အဆောက် အအုံတွေ တည်ဆောက်နိုင်ဖို့၊ ဆောက်လုပ်မှုကဏ္ဍဖွံ့ဖြိုးတိုးတက်ရေးနဲ့ စံချိန်စံညွှန်းတွေ တိကျစွာလိုက်နားရေး၊ ငလျင်ဒဏ်ခံအဆောက်အအုံတွေ တည်ဆောက်တာနဲ့ MNBC-2025 ပါဋ္ဌာန်းချက်တွေ စတဲ့ ခေါင်းစဉ်တွေနဲ့ ပြည်တွင်းပြည်ပ ပညာရှင်းတွေက ဆွေးနွေးခဲ့ကြပြီး စာတမ်းဖတ်ကြားတာတွေကို ပြုလုပ်ခဲ့ကြတယ်လို့ သိရပါ တယ်။
