ရန်ကုန်မြို့၊ လသာမြို့နယ်၊ မဟာဗန္ဓုလလမ်းမကြီးပေါ်မှာ ၂၀၂၅ ခုနှစ် တရုတ်နှစ်သစ်ကူးအထိမ်းအမှတ် ချိုင်းနား တောင်း ဈေးရောင်းပွဲတော်ကို ဇန်နဝါရီ ၂၆ ရက်၊ ညပိုင်းက ကျင်းပပြုလုပ်နေပြီး ပွဲတော်လာရောက်သူ ပြည်သူတွေစည်းကားများပြားတာကို တွေ့ရပါတယ်။
ပွဲတော်မှာတော့ လူသုံးကုန်၊ အလှကုန်၊ အစားအသောက်မျိုးစုံကို ရောင်းချပေးနေပြီး ခြင်္သေ့အက၊ နဂါးအကပြိုင်ပွဲ တွေ နာမည်ကြီး DJ တွေရဲ့ ဖျော်ဖြေတင်ဆက်မှု အနုပညာရှင်တွေရဲ့ ဖျော်ဖြေတင်ဆက်မှုတွေ အပျော်စီးလှေ၊ ကလေးကစားကွင်းတွေ အလှဓာတ်ပုံရိုက်ဖို့ နေရာတွေ ဖန်တီးပေးထားတယ်လို့ သိရပါတယ်။ပွဲတော်ကိုတော့ ဇန်နဝါရီ ၂၅ ရက်ကနေ ၃၁ ရက်ထိ မဟာဗန္ဓုလလမ်း (လမ်းမတော်လမ်းမှ လသာလမ်း) တစ်လျှောက် မနက် ၇ နာရီ မှ ၁၁ နာရီထိ၊ ညနေ ၄ နာရီမှ ည ၁၁ နာရီထိ ခုနစ်ရက်တိုင်တိုင် ကျင်းပပြုလုပ်သွား မှာ ဖြစ်ပါတယ်။
ဒါ့ကြောင့် ဈေးရောင်းပွဲတော် ကျင်းပနေတဲ့ အချိန်မှာ မဟာဗန္ဓုလမ်းမကြီးကို လမ်းမတော်လမ်းမှ လသာလမ်းအထိ လမ်းတစ်ခြမ်းပိတ်ထားမှာ ဖြစ်တယ်လို့ သိရပါတယ်။တရုတ်ရိုးရာ ပြက္ခဒိန်အရ ၂၀၂၅ ခုနှစ် ဇန်နဝါရီ ၂၉ ရက်ဟာ တရုတ်နှစ်သစ်ကူးနေ့ဖြစ်ပြီး ယခုနှစ်ဟာ မြွေနှစ် ဖြစ် တယ်လို့လည်း သိရပါတယ်။
