မြန်မာနိုင်ငံအနေနဲ့ တတိယမြောက်အဖြစ် လက်ဖက်စားသုံးတဲ့ ဓလေ့ကို ကမ္ဘာ့ဒြပ်မဲ့ယဉ်ကျေးမှု အမွေအနှစ် အဖြစ် လာမယ့်နှစ်မှာ တင်သွင်းသွားမယ်လို့ မြန်မာ့ယဉ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့၊ ဥက္ကဋ္ဌ ဒေါ်စန္ဒာခင်က ပြောပါတယ်။၂၀၂၄ ခုနှစ် မတ်လအထိ စာရင်းအရ မြန်မာနိုင်ငံမှာ အမျိုးသားအဆင့် ဒြပ်မဲ့စာရင်းအဖြစ် သတ်မှတ်ထားတဲ့ အမွေအနှစ်ပေါင်း နှစ်ထောင်ကျော်ရှိတယ်လို့ ဆိုပါတယ်။
အဲဒီထဲက ယဉ်ကျေးမှုအမွေအနှစ်တွေကို သက်ဆိုင်ရာ လူမှုအဖွဲ့အစည်းတွေက ယူနက်စကို တင်သွင်းရတာ ဖြစ်ပါ တယ်။အခုအခါ ယူနက်စကို ဝင်နိုင်ဖို့ စာရင်းတင်သွင်းတာကို တစ်နှစ်မှာ တစ်ခုသာ တင်သွင်းနိုင်တဲ့အတွက် တစ်နှစ် တစ်ခုစီ တင်သွင်းသွားမယ်လို့ ဒေါ်စန္ဒာခင်က ပြောပါတယ်။ မြန်မာ့ရိုးရာနှစ်သစ်ကူး အတာသင်္ကြန်ပွဲတော်ကိုတော့ ပြီးခဲ့တဲ့ ၂၀၂၄ ခုနှစ် ဒီဇင်ဘာ ၅ ရက်က ကမ္ဘာ့ဒြပ်မဲ့ ယဉ်ကျေးမှုအမွေအနှစ်အဖြစ် သတ်မှတ်ခဲ့တာပါ။ ဒုတိယ အကြိမ်အဖြစ် မြန်မာ့ရိုးရာ သနပ်ခါးလိမ်းခြယ်တဲ့ ဓလေ့ကို အခုနှစ် မတ်လမှာ တင်သွင်းမှာဖြစ်ပါတယ်။
မြန်မာနိုင်ငံမှာ ယူနက်စကို စာရင်းဝင်ဒေသတွေအဖြစ် ပျူမြို့ပြ နိုင်ငံတွေဖြစ်တဲ့ သရေခေတ္တရာ၊ ဟန်လင်း၊ ဗိသာနိုးမြို့ ဟောင်းနေရာတွေကို ပြီးခဲ့တဲ့ ၂၁၀၄ ခုနှစ်မှာ သတ်မှတ်ခဲ့ပြီး ပုဂံဒေသကိုလည်း ပြီးခဲ့တဲ့၂၀၁၉ ခုနှစ်မှာ ယူနက်စကို စာရင်းဝင်ဒေသတွေအဖြစ် သတ်မှတ်ထားတာဖြစ်ပါတယ်။
