ပြည်သူ့ရင်ထဲစွဲမြဲပြီး အကျိုးပြုစေမယ့် ဇာတ်ကားမျိုး ဖန်တီးပေးကြစေလိုတယ်လို့ နစကဥက္ကဋ္ဌ နိုင်ငံတော် ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်က ပြောပါတယ်။
ဖေဖော်ဝါရီ ၉ ရက် ညနေပိုင်းက နေပြည်တော်မှာ ကျင်းပတဲ့ ၂၀၂၄ ခုနှစ်အတွက် မြန်မာ့ရုပ်ရှင်ထူးချွန်ဆုချီးမြှင့်ပွဲမှာ နှုတ်ခွန်းဆက် စကားပြောကြားစဉ် အခုလို ထည့်သွင်းပြောကြားလိုက်တာပါ။
ရုပ်ရှင်ဇာတ်ကားကောင်းတစ်ခုဟာ ကြည့်ရှုသူကို ရင်ထဲစွဲကျန်စေပြီး တသသ ဖြစ်စေတယ်လို့ ဗိုလ်ချုပ်မှူးကြီး မင်းအောင်လှိုင်က ပြောပါတယ်။
ရုပ်ရှင်သည်ပြည်သူ့အတွက် ဆိုတဲ့အတိုင်း ရုပ်ရှင်အနုပညာရှင်တွေက နိုင်ငံနဲ့လူမျိုး ကောင်းရာကောင်းကျိုး ဖော်ဆောင်နိုင်မယ့် နိုင်ငံ့အကျိုးပြု အနုပညာဖန်တီးမှုတွေကို ဖော်ဆောင်ပေးကြဖို့ တိုက်တွန်းမှာကြား လိုတယ် လို့လည်း ဗိုလ်ချုပ်မှူးကြီးမင်းအောင်လှိုင်က ပြောကြားခဲ့ပါတယ်။
